ބ. އަތޮޅު ކައުންސިލު މެދުވެރިކޮށް ޕާސްޕޯޓް އެޕްލިކޭޝަން ފޯމް ހުށައެޅޭ ގޮތް ހެދުމަށް މޯލްޑިވްސް އިމިގްރޭޝަނުން މިއަދު އެއްބަސްވުމެއްގައި ސޮއިކޮށްފި އެވެ.
އިމިގްރޭޝަން ހެޑް އޮފީހުގައި މިއަދު ބޭއްވި ރަސްމިއްޔާތެއްގައި އިމިގްރޭޝަންގެ ފަރާތުން ސޮއި ކުރެއްވީ ޒިންމާދާރުވެރިޔާ ހާމިދު ފަތުހުﷲ އެވެ. އެވެ. އަދި ބ. އަތޮޅު ކައުންސިލުގެ ފަރާތުން ސޮއި ކުރެއްވީ ކައުންސިލުގެ ރައީސް މަބުރޫކް ނަސީރު އެވެ.
ބ. އަތޮޅު ކައުންސިލުން ބުނީ މި އެއްބަސްވުމުގެ ދަށުން ޕާސްޕޯޓް އަލަށް ހަދަން ބޭނުންވާ ފަރާތްތަކާއި، މުއްދަތު ހަމަވެގެން ޕާސްޕޯޓް އާ ކުރަން ބޭނުންވާ ފަރާތްތަކަށް އަންނަ އާދީއްތަ ދުވަހުން ފެށިގެން ކައުންސިލު އިދާރާ މެދުވެރިކޮށް ފޯމް ހުށަހެޅޭނެ ކަމަށެވެ. ނަމަވެސް ޕާސްޕޯޓް ދޫކުރާނީ އިމިގްރޭޝަނުންނެވެ.
އަތޮޅު ކައުންސިލު އިދާރާ މެދުވެރިކޮށް ޕާސްޕޯޓް ފޯމް ހުށަހެޅޭ ގޮތަށް މިއަދު އެއްބަސްވުމުގައި ސޮއިކުރިއިރު، މިހާތަނަށް މި ހިދުމަތް މިއަތޮޅުގައި ދެމުން ގެންދިޔައީ އޭދަފުށީ ޕޯސްޓްއޮފީސް މެދުވެރިކޮށެވެ.
Thi vanee hama eh kamennu. Thafaatheh ebaoiytha. Post ofeehunves hama dhey khidhumaiy.