ރާއްޖޭގައި ހުންނަވާ އިންޑިއަން ހައި ކޮމިޝަނަރު އަކިލޭޝް މިޝްރާއާ ބ. އަތޮޅު ކައުންސިލުގެ ރައީސް މަބްރޫކް ނަސީރު ބައްދަލުކުރައްވައިފި އެވެ.
ބ. އަތޮޅު ކައުންސިލުން ބުނިގޮތުގައި މި ބައްދަލުކުރެއްވުމުގައި، އިންޑިއަން ހައި ކޮމިޝަނާ ގުޅިގެން މަސައްކަތް ކުރެވިދާނެ ދާއިރާތަކާ ބެހޭ ގޮތުން މަޝްވަރާ ކުރެއްވި އެވެ.
އެގޮތުން ތައުލީމީ އަދި ސިއްހީ ދާއިރާގެ ސްކޯލަޝިޕް ފުރުސަތުތަކާ ގުޅޭ ގޮތުންނާއި ކައުންސިލް ހިންގުން ހަރުދަނާ ކުރުމަށް ފަންނީ އެހީތެރިކަން ފޯރުކޮށްދޭނެ ދާއިރާތަކާ ގުޅޭ ގޮތުންވެސް ފުޅާ ދާއިރާއެއްގައި މަޝްވަރާ ކުރެއްވި ކަމަށް އަތޮޅު ކައުންސިލުން ބުންޏެވެ.
މަބުރޫކު ވިދާޅުވީ އެ ބައްދަލުވުމުގައި މަޝްވަރާ ކުރެވުނު ކަންތައްތަކުގައި އިންޑީޔާ ހައިކޮމިޝަންގެ ފުރިހަމަ އެއްބާރުލުން ލިބޭނެ ކަމުގެ ވަރަށް ޔަގީންކަމެއް ދެއްވި ކަމަށެވެ.
It was a great pleasure to welcome Mr. Mabrook Naseer, young & dynamic President of Baa Atoll Council and Mr. Ahmed Afrah Vice President of Baa Atoll Council. Varah Bodah Shukriya for their visit and warm sentiments for India-Maldives friendship. 🙏 pic.twitter.com/jLbCdwbZHU
— Akhilesh Mishra (@AkhileshIFS) December 7, 2017
މި ބައްދަލުކުރެއްވުމުގައި ބ. އަތޮޅު ކައުންސިލުން ވަނީ އިންޑިއަން ހައި ކޮމިޝަނަރު، އަކިލޭޝް މިޝްރާ ބ. އަތޮޅަށް ވަޑައިގެންނެވުމަށް ދައުވަތު އަރުވާފަ އެވެ.
“ހައިކޮމިޝަނަރުގެ ވަރަށްބޮޑު އުއްމީދެއްކަމަށް ވިދާޅުވި ބ. އަތޮޅުގެ ކުދިންނަށް ހިލޭ ކިޔެވުގެ ފުރުސަތުތަކެއް ކައިރި މުސްތަގުބަލުގައި ލިބުން. ބައްދަލުވުމުގެ ސަބަބުން ހައިކޮމިޝަނާ ދެމެދު ވަރަށް ބޮޑަށް ގުޅުން ވެސް ބަދަހިވެއްޖެ. އަދި ސަފީރު ވަރަށް އަވަހަށް ބ. އަތޮޅަށް ވަޑައިގަންނަވާނެ ކަމަށް ވެސް ވިދާޅުވި،”
މި ބައްދަލުވުމުގައި އަތޮޅު ކައުންސިލުގެ ނައިބް ރައީސް މުހައްމަދު އަފްރާހު ވެސް ބައިވެރިވެވަޑައިގަތެވެ.