ސީސީ އިންޓަ ރިސޯޓް ފުޓްބޯޅަ މުބާރާތުގައި މިއަދު ހަވީރު ރޯޔަލް އައިލެންޑް ރިސޯޓް އެންޑް ސްޕާ އަތުން 2-0 އިން ސޮނެވާފުށީ ރިސޯޓް މޮޅުވެއްޖެ އެވެ.
އޭދަފުށީ ރަސްމީ ދަނޑުގައި ކުރިއަށްދާ މި މުބާރާތުގައި ގުރޫޕް ބީ ގައި މިއަދު ހަވީރު ކުޅުނު މެޗުގައި ސޮނެވާއަށް ލީޑް ނަގައިދިނީ 54 ވަނަ މިނިޓްގައި އަބްދުލްމަޖީދު (މަޖިއްޓޭ) އެވެ. އޭގެ ފަހުން މެޗު ނިމެނިކޮށް މެޗުގެ މޮޅު ކުޅުންތެރިޔާގެ މަގާމު ހޯދި މާޖިދު ވަނީ އިތުރު ލަނޑެއް ޖަހައި ސޮނެވާ އަށް ތިން ޕޮއިންޓް ކަށަވަރުކޮށްދީފަ އެވެ. މިއަދުގެ މަޖިއްޓޭ އަށްވަނީ ދެ ރީދޫ ކާޑާއެކު ރަތްކާޑެއްވެސް ދައްކައިފަ އެވެ.
ސޮނެވާ އާއި ރޯޔަލްއާ އެކު ގުރޫޕް ބީގައި ހިމެނެނީ ކިހާދުއްފަރު ރިސޯޓް އެވެ. މުބާރާތުގެ ގުރޫޕް އޭ ގައި ޑްސިޓް އާއި ލަނޑާގިރާވަރާ އެކު އޮތީ އަނަންތަރާ ކިހަވައްވިލާސް އެވެ. މުބާރާތުގައި މާދަމާ ހަވީރު ކުޅޭނީ ޑްސިޓް އާއި އަނަންތަރާ އެވެ.
މުބާރާތުގެ ސެމީ ފައިނަލަށް ދާނީ ކޮންމެ ގުރޫޕަކުން ވެސް އެއްވަނަ އާއި ދެވަނަ ޓީމެވެ. ގްރޫޕް އޭ އިން އެއްވަނަ ހޯދާ ޓީމާ ގްރޫޕް ބީ އިން ދެވަނަ ހޯދާ ޓީމަކަށް ފައިނަލުގެ ފުރަތަމަ ޖާގަ ލިބޭނެ އެވެ. ފައިނަލް ގެ ދެވަނަ ޖާގަ ލިބޭނީ ގްރޫޕް އޭ އިން ދެވަނަ ހޯދާ ޓީމާ ގްރޫޕް ބީ އިން އެއްވަނައަށް ދާ ޓީމުގެ މެދުގައި ކުޅޭ ދެވަނަ ސެމީން މޮޅުވާ ޓީމަކަށެވެ.
މިދިޔަ އަހަރު އަލަށް ފެށި ސީސީ އިންޓަ ރިސޯޓް ފުޓްބޯޅަ މުބާރާތުގެ ޗެމްޕިއަންކަން ހޯދައިފައިވަނީ ސޮނެވާފުށި ރިސޯޓް އެވެ.
ކިހާދުއްފަރު އެއް ނޫނެވެ. ކިހާދު މޯލްޑިވްސް އެވެ.