ދުނިޔޭގެ ޞިއްހަތު ދުވަސް ފާހަގަ ކުރުމުގެ ގޮތުން ބ. ގޮއިދޫ ސިއްހީ މަރުކަޒުން ގިނަ ހަރަކާތްތައް ހިންގައިފިއެވެ.
ގޮއިދޫ ޞިއްޙީ މަރުކަޒުން ބުނި ގޮތުގައި ދުނިޔޭގެ ޞިއްޙަތު ދުވަސް ފާހަގަ ކުރުމުގެ ގޮތުން އެރަށުގެ 16 އަހަރުން މަތީގެ ރައްޔިތުން ހަކުރު ބައްޔަށް ސްކްރީން ކުރުމާއި ސްކޫލު ދަރިވަރުންނާއި ބެލެނިވެރިންނަށް ހަކުރު ބައްޔާބެހޭ ގޮތުން މަޢްލޫމާތު ވަނީ ދީފައެވެ.
ޑައިބެޓިކް އެސޯސިއޭޝަނާއި ގޮއިދޫ ޞިއްޙީމަރުކަޒު ގުޅިގެން ހިންގި މިހަރަކަތް ތަކުގެތެރޭގައި 20 އަހަރުން މަތީގެ އަންހެނުން ކެންސަރު ބައްޔަށް ސްކްރީން ކުރުމާއި ކެންސަރު ބައްޔާއި ބެހޭގޮތުން މަޢްލޫމާތު ދީފައިވާކަމަށް ގޮއިދޫ ސިއްހީ މަރުކަޒުން ބުނެއެވެ.
މީގެއިރުން ދުނިޔޭ ޞިއްޙަތު ދުވަހު ހަވީރު ހިނގާލުމެއް ބޭއްވުމާއި މޫދު ކަސްރަތު ކުރުމުގެ ޕްރޮގްރާމެއްވެސް ވަނީ ބައްވައިފަ އެވެ.
ދުނިޔޭގެ ޞިއްޙަތު ދުވަހުގެ ގޮތުގައި ފާހަގަ ކުރުނީ ކޮންމެ އަހަރެއްގެ އެޕްރީލް މަހުގެ 7 ވަނަ ދުވަހެވެ.
