އަންނަ ދިރާސީ އަހަރު ދަރިވަރުން ކިޔެވުމަށް ބޭނުންކުރާ ޓެކްސްޓް ފޮތްތައް މިއަދު ބ. އަތޮޅު ތައުލީމީ މަރުކަޒުން ދޫކުރަން ފަށައިފި އެވެ.
ބ. އަތޮޅު ތައުލީމީ މަރުކަޒުން ބުނީ މިއަދު ދޫކުރަށް ފެށީ ގްރޭޑް 1 ން 7 ގެ ދަރިވަރުންގެ ޓެކްސްޓް ފޮތްތައް ކަމަށާއި ދޫކުރާ ފޮތްތަކުގެ ތެރޭގައި ސަރުކާރުން ދޭ ފޮތްތަކާއި ކުރިން ބޭނުންކޮށްފައި ހުރި ފޮތްވެސް ހިމެނޭނެ ކަމަށެވެ.
އެމަރުކަޒުން ބުނިގޮތުގައި ފޮތްތައް ދޫކުރާނީ ރަސްމީ ބަންދުނޫން ކޮންމެ ދުވަހެއްގެ ހެނދުނު 10:00 ން މެންދުރުފަހު 1:00 އަށެވެ. އަދި ބެލެނިވެރިން ވީއެންމެ އަވަސް ފުރުސަތެއްގައި ފޮތްތައް ނެގުމަށްވެސް އެ މަރުކަޒުން އެދެއެވެ.
ގްރޭޑް 8، 9 އަދި 10ގެ ދަރިވަރުންގެ ޓެކްސްޓް ފޮތްތައްވެސް މާދަމާ ދޫކުރަން ފަށާނެކަމަށް ބ. އަތޮޅު ތައުލީމީ މަރުކަޒުން ބުންޏެވެ.
