މި އަހަރުގެ ރިޔާސީ އިންތިހާބުގައި އިދިކޮޅު ޕާޓީތަކުން ވާދަ ކުރައްވާ ކެންޑިޑޭޓް އިބްރާހީމް މުހައްމަދު ސޯލިހް (އިބޫ) ކެމްޕޭނަށް މިހާރު ބ. އަތޮޅަށް ކުރައްވަމުން ގެންދަވާ ދަތުރުފުޅުގައި މިއަދު އޭދަފުއްޓަށް އަށް ވަޑައިގަތުމުން ހޫނު މަރުހަބާއެއް ދަންނަވައިފި އެވެ.
މީގެ ކުޑަ އިރުއްކޮޅެއް ކުރިން އިބޫ އާއި އޭނާގެ ޓީމް މިރަށަށް ވަޑައިގަތުމުން، މަރުހަބާ ދަންނަވަން އިދިކޮޅު އިއްދިހާދަށް ސަޕޯޓްކުރާ މިރަށުގެ ގިނަ އަދަދެއްގެ މީހުން އެއްވިއެވެ. އޭގެ ތެރެއިން ގިނަ ބަޔަކާ އިބޫ ސަލާމް ކުރެއްވި އެވެ.
އިބޫ އަދި އިދިކޮޅު އިއްތިހާދުގެ ކެމްޕެއިން ޓީމް މިއަދު މެންދުރުފަހު މިރަށަށް ވަޑައިގެންނެވި އިރު ރަށުގެ ބަނދަރު މަތީގައި ވަނީ އެ އިއްތިހާދުގެ ޕާޓީތަކުގެ ދިދަތައް ޖަހައި ވަރަށް ބޮޑަށް ޒީނަތްތެރިކޮށްފަ އެވެ.
އޭދަފުއްޓަށް ވަޑައިގެން މިރަށުގައި އެމްޑީޕީ ޖަޒީރާ އޮފީސް ހުޅުވައިދެއްވުމަށްފަހު އިބޫވަނީ އޭދަފުށީގެ ގިނަ ކަންތައްތަކެއް މިހާރަށްވުރެ ރަނގަޅު ކުރައްވާނެ ކަމަށް ވެސް ވައުދުވެވަޑައިގެންފަ އެވެ.
އެގޮތުން އޭދަފުށީ ތައުލީމީ ނިޒާމް މިހާރަށްވުރެ ހަރުދަނާ ކުރައްވާނެ ކަމަށް ވިދާޅުވި އެވެ. އަދި އޭދަފުށިން ހިއްކާފައިވާ 27 ހެކްޓަރުގެ ބިމުން ފުރަތަމަ ހަ މަސް ދުވަހުގެ ތެރޭގައި ގޯތި ދޫކުރާނެ ކަމަށް ވެސް އިބޫ ވިދާޅުވި އެވެ.
އިސްމާލާ މަބުރޫކުމެންގާތު ބުނެބަލަ ދުވަސްވީ މީހުންނަށް ފުރައްސާރަކުރުން ހުއްޓާލާކަށް ނުޅޭންހޭ؟ އެމީހުންނަށް އިޙުތިރަމުކުރަން ދަސްކުރަންވެއްޖެއެއްނޫންހޭ؟ އެއަށްވުރެ މާރީއްޗެއްނޫންހޭ މަބުރޫކުމެން އެގޮތަށް ހެދުންއަޅަން. މޮހޮނދުމެންނަށްވުރެ
މަރުހަބާކިޔާނެ ކޮންމެރަށަކުންވެސް. ގިނައީ މަރުހަބާކިޔަން ދަތުރުގެ ބައިވެރިން
ވަރަށް ހޫނު. އިސްމާލުމެންނަށް ހޫނުވާނެ މީހަކު ނުނިކުތަސް. މޮޔަހައްދާފަތިބިބަޔަކު އެބަތިބި، އެއީ އެމީހުނަށްކުރާ ފުރައްސާރައެއްނޫންތަ އިސްމާލު.
ތިތާ ގިނައީ މާޅޮހު މީހުން