އަމިއްލަ ފަރާތްތަކަށް ފަސޭހަކަމާ އެކު އިންސްޓޯލްމަންޓަށް މުދާ ގަނެވޭ ގޮތް ނުވަތަ ޕާސަނަލް ފައިނޭންސިންގެ ޚިދުމަތް މެދުވެރިކޮށް މުދާ ގަނެގެން ދެ މީހަކަށް އުމުރާ ދަތުރެއް ލިބޭ ޚާއްސަ ޕްރޮމޯޝަނެއް ބީއެމްއެލް އިސްލާމިކް އިން މިއަދު ފަށައިފި އެވެ.
ބީއެމްއެލް އިން ބުނި ގޮތުގައި މި މަހުގެ ނިޔަލަށް ކުރިއަށް ގެންދާ ޕްރޮމޯޝަންގައި ބައިވެރިވުމަށް ބީއެމްއެލް އިސްލާމިކް މާލޭ ބްރާންޗުންނާއި އަތޮޅު ތެރޭގެ ބީއެމްއެލް ބްރާންޗުތަކަށް ހުށަހެޅޭނެ އެވެ.
ބީއެމްއެލް އިސްލާމިކް ޕާސަނަލް ފައިނޭންސިން ޚިދުމަތް ބޭނުން ކޮށްގެން 15،000ރ. އިން ފެށިގެން 100،000ރ. އާ ހަމަ އަށް މުދާ ނެގޭނެ އެވެ. އަދި މި ޚިދުމަތުގެ ދަށުން، ފަރުނީޗަރުން ފެށިގެން ގޮސް އިލެކްޓްރޯނިކް ސާމާނާއި އެހެނިގެން ގިނަ ސާމާނު ގަނެވޭނެ އެވެ.
މުދަލުގެ ކޯޓޭޝަން ބެންކަށް ފޮނުވާތާ ހަތް ދުވަހުގެ ތެރޭގައި ފައިނޭންސިން ހަމަޖައްސައިދޭނެ ކަމަށް ވެސް ބޭންކުން ވަނީ ބުނެފަ އެވެ.
