ރައީސް އަބްދުﷲ ޔާމީންގެ އަނބިކަނބަލުން ފާތިމަތު އިބްރާހިމް ރައްޔިތުންގެ ހާލު ބެއްލެވުމަށް މިއަދު ބ. އަތޮޅަށް ވަޑައިގެންފި އެވެ.
ޕީޕީއެމުން ބުނީ ފަސްޓް ލޭޑީ ބ. އަތޮޅަށް ވަޑައިގަތީ މިއަތޮޅުގެ ރަށްރަށުގައި ދިރިއުޅޭ މީހުންގެ ހާލު ބައްލަވާލައްވައި އަދި ޚާއްސަ އެހީއަށް ބޭނުންވާ ފަރާތްތަކާ ބައްދަލު ކޮށް އެމީހުންނަށް ބޭނުންވެފައިވާ ކަންކަން އޮޅުން ފިލުއްވައި ވީހާވެސް އަވަސް ހައްލެއް ގެނައުމުގެ ގޮތުން ކަމަށެވެ.
އެކަމަނާގެ އަރިހުގައި، އިކޮނޮމިކް މިނިސްޓަރު މުހައްމަދު ސައީދާއި ރައްޔިތުންގެ މަޖިލިހުގެ ގުރައިދޫ ދާއިރާގެ މެމްބަރު އިބްރާހިމް ރިޒާ އާއި ވެލިދޫ ދާއިރާގެ މެމްބަރު އަބްދުﷲ ޔާމީން ރަޝީދާއި ފޭދޫ ދާއިރާގެ މެމްބަރު އިބްރާހިމް ދީދީ ބައިވެރިވެވަޑައިގަންނަވަ އެވެ.
އީޓީ އަށް އެނގިފައިވާ ގޮތުގައި ފަސްޓް ލޭޑީގެ ހަތަރު ދުވަހުގެ މި ދަތުރުފުޅުގައި ބ. އަތޮޅުގައި މީހުންއުޅޭ ހުރިހާ ރަށަކަށް ވަޑައިގަންނަވާނެ އެވެ. އޭދަފުއްޓަށް ވަޑައިގަންނަވާނީ ބުދަ ދުވަހު އެވެ.
