އޭދަފުށީގައި ވިޔަފާރި ފުޅާކުރަމުން އަންނަ ފްރެންޑް މީ ގްރޫޕުން މުޅިން އާ ފިހާރައެއް ހުޅުވައިފި އެވެ. މިއީ އެ ގްރޫޕުން އޭދަފުށީގައި ހުޅުވި 3 ވަނަ ފިހާރަ އެވެ.
“ފްރެންޑްމީ ހޯމް ވެއާ” ގެ ނަމުގައި އަމީނީމަގު ފްރެންޑްމީ މައި ފިހާރަ ކައިރީގައި ރޭ ހުޅުވި މި ފިހާރަ ހާއްސަކޮށްފައިވަނީ ކުޑަކުދިންގެ އައިޓަމުތަކުގެ އިތުރުން ބަދިގޭ ސާމާނަށެވެ.
މީގެ ހަތް އަހަރު ކުރިން ފްރެންޑް މީގެ ނަމުގައި އެ ގްރޫޕުން ފުރަތަމަ ހުޅުވި ފިހާރައަކީ މިހާރު އޭދަފުށީގައި މަޤްބޫލު ފިހާރައެކެވެ. އަދި މިދިޔަ އަހަރު ފްރެންޑް މީ ސްޓައިލްގެ ނަމުގައި ހުޅުވި ފިހާރާވެސް ކުޑަ ދުވަސްކޮޅެއްގެ ތެރޭގައި ވަނީ އާއްމުންގެ މަގުބޫލުކަން ހޯދައިފަ އެވެ.
ފްރެންޑް މީ ގްރޫޕުން ބުނި ގޮތުގައި އެ ގްރޫޕުގެ އަމާޒަކީ ފެންވަރު ރަނގަޅު އަދި އިތުބާރު ކުރެވޭ ބްރޭންޑްތަކުގެ ބާވަތްތައް އެކަށީގެންވާ އަގެއްގައި ކަސްޓަމަރުންނަށް ފޯރުވައިދީ ވިޔަފާރި ފުޅާކުރުމެވެ.