ބ. ތުޅާދޫގައި އެރަށު ކައުންސިލުން ކުޑަކުދިންގެ ޕާކެއްގެގޮތުގައި ތަރައްގީކުރާ ސަރަހައްދުގެ ވަށާ ފާރުން ބައެއް ވައްޓާލައިފި އެވެ.
ތުޅާދޫ ކައުންސިލުގެ ރައީސް އަހްމަދު ރަޝީދު “އީޓީ” އަށް ވިދާޅުވީ ރޭ ދަންވަރުގެ ވަގުތެއްގައި އެ ޕާކުގެ ވަށާފާރުގެ 13 ވަރަކަށް މީޓަރުގެ ދިގުމިނުގެ ތަންގަނޑެއް ވައްޓާލާފައިވާ ކަމަށެވެ. އެއީ 18 އިންޗީގެ އުސް ފާރެކެވެ.
“ހެނދުނު އަޅުގަނޑުމެންނަށް އެނގުނީ. ބޮޑަށް ބެލެވެނީ ދަންވަރު ކުރިކަމެއް ކަމަށް،” އަހްމަދު ރަޝީދު ވިދާޅުވި އެވެ.
އަހްމަދު ރަޝީދު ވިދާޅުވީ އެ މައުލޫމާތު މިއަދު ހެނދުނު އެ ކައުންސިލަށް ލިބުމާއެކު އެ މައްސަލަ ފުލުހުންނަށް ހުށަހަޅާފައިވާ ކަމަށެވެ.
އޭދަފުށީ ޓައިމްސް މީހުންނަށް ވަަރަށް މަޖާވާނެ އަތޮޅުގެ އެހެން ރަށެއްގައި މިކަހަލަ ކަންތައް ވަންޏާ. ވަަރަށް އަވަހަށް މި ވެބްސައިޓުގައިވެސް ޖަހާނެ. އޭދަފުށީގައި ހިނގާ އިޖްތިމާއީ މައްސަލަތަކެއް ނުޖަހާނެ. ކޮބާތަ ތި ރަށު ކައުންސިލު ޒިންމާދާރުވެރިޔާ ޚަބަރު. މަ ވަރަށް މި ވެބްސައިޓް ބެލިން ޙަަބަރަށް އަރާތޯ. ހަމަ ހީކުރިގޮތަށްވީ ވެސް.