ބ. އޭދަފުށީގައި އާ ރެސްޓޯރެންޓެއް ހުޅުވައި ހިދުމަތްދެން ފަށައިފި އެވެ.
“ވައިޓް ބައި އެއިޓް އެސް” ގެ ނަމުގައި ޑޭޒީ ހިނގުމުގައި ހުންނަ މި ރެސްޓޯރަންޓް ފަރުމާކޮށްފައި ވަނީ މިރަށުގައި ހުރި އެހެން ރެސްޓޯރެންޓްތަކާ ތަފާތު އަދި ހާއްސަ ތަނެއްކަން އިހުސާސް ކުރެވޭ ގޮތަށް ހިތްގައިމު މާހައުލެއްގަ އެކެވެ.
“މިތަން ޑިޒައިނިންގައި އަޅުގަނޑުމެން ވަރަށް ބޮޑަށް އިސްކަމެއް ދިނިން ކަސްޓަމަރުންނަށް ހިތްގައިމު މާހައުލެއް އުފެއްދޭތޯ،” ރެސްޓޯރަންޓްގެ ވެރިޔާ ސަބީން އިބްރާހީމް ބުންޏެވެ.
“ޑިޒައިން ވެސް ވަރަށް ތަފާތުވާނެ، ވަރަށް ރީތި ވާނެ، ހަމަ ގައިމުވެސް ހިތްގައިމު މާހައުލަކަށް ވާނެ،”
ރެސްޓޯރަންޓުތަކުން އާންމު ގޮތެއްގައި ލިބޭ ހުރިހާ ކާނާއެއް ވެސް މިތަނުން ލިބެން ހުންނާނެ ކަމަށް ސަބީން ބުނެ އެވެ. އަދި އެހެން ރެސްޓޯރަންޓުތަކާ އަޅާ ބަލާއިރުގައި އަގު ވެސް ބޮޑު ނުވާނެ ކަމަށް އޭނާ ބުނެ އެވެ.
ސަބީން ބުނިގޮތުގައި އެ ރެސްޓޯރަންޓުން އެއްފަހަރާ 70 އެއްހާ މީހުންނަށް ހިދުމަތް ދެވޭނެ ކަމަށެވެ.
“އަޅުގަނޑުމެން އިއްޔެ އާންމުންނަށް އަދި މި ހުޅުވާލީ އެކަމަކު އެއްކޮށް ހުޅުވާލައިގެން ހުރިހާ ޑިޝްތައް ލިބެން ކުޑަ ދުވަސްކޮޅެއް ނަގާނެ،” ޝަބީން ބުންޏެވެ.
ސަބީން ބުނި ގޮތުގައި އެ ރެސްޓޯރެންޓުން ކުޑަކުދިންގެ ޕާޓީތަކުން ފެށިގެން ވެޑިން އާއި ކޯޕަރޭޓް އިވެންޓްތައް ބާއްވައިދީ ކޭޓަރިންގެ ހިދުމަތްވެސް ދޭނެ އެވެ.
