މިހާރު ކުރަމުންދާ ވިއްސާރައިގައި ބ. ހިތާދޫ އަށާއި ގޮއިދޫއަށް ބޮޑެތި ގެއްލުންތަކެއް ވެއްޖެ އެވެ.
މި ވިއްސާރައިގައި ބ. އަތޮޅުން އެންމެ ބޮޑު ގެއްލުންތަކެއް ލިބުނު ކަމަށް މިހާތަނަށް އެނގިފައިވަނީ ހިތާދޫ އާއި ގޮއިދޫ އަށެވެ.
މިއަދު މެންދުރުފަހު ގޮއިދޫއަށް އެރިކޮޅިގަނޑެއްގައި އެ ރަށު ހެލްތު ސެންޓަރުގެ ބައެއް ދޮރުތައްވަނީ އެއްލާލައފަ އެވެ. އަދި ބޮޑެތި ގަސްތަކާއި ރުއްތައް ވެއްޓި، ބައެއް ގޭގޭގެ ފުރާޅުތައް ވެސް ވަނީ ވަޔާ އެއްލާލައިފަ އެވެ.
އހިތާދޫން ވާހަކަދެއްކި މީހަކު ބުނީ، މިއަދު މެންދުރު ފަހު ރަށަށް އައި ކޮޅިގަނޑެއްގައި އެރަށުގެ ބައެއް ސަރަހައްދުތަކުން ގަހާއި ރުށް ފަދަ އެއްޗެހި ވެއްޓި ބައެއް އިމާރާތްތަކަށް ގެއްލުންވެފައިވާ ކަމަށެވެ. އަދި އެރަށުގެ ދެ ގެއެއްގެ ފުރާޅަށްވެސް ގެއްލުންތަކެއްވެފައި ވާކަމަށް މައުލޫމާތު ލިބެއެވެ.
އެހެން ނަމަވެސް މި ހާދިސާގައި އެއްވެސް މީހަކަށް ގެއްލުންވިކަމުގެ މައުލޫމާތެއް ލިބިފައެއް ނުވެއެވެ.
