ބ. ގޮއިދޫން ދަނޑުވެރިކަން ކުރުމަށް ދޫކުރާ ބިންތައް ދޫކުރުމުގައި މިހާރު އަމަލު ކުރަމުންގެންދާ އުސޫލު އުވާލައި، އާ އުސޫލުތަކެއް ހެދުމަށް މަސައްކަތް ކުރަމުންދާކަމަށް އެރަށު ކައުންސިލުން ބުނެފިއެވެ.
އާމިރު ވިދާޅުވި ގޮތުގައި އާ އުޞޫލްތަކެއް ހެދުމުގެ އެންމެ މުހިއްމު އެއްބޭނުމަކީ، ދަނޑުތައް ދޫކޮށްފައިވާ ފަރާތްތައް ޒިންމާދާރުކުރުވުމެވެ. އެގޮތުން މިހާރު އަމަލުކުރަމުންދާ އުޞޫލުގައި ކޮންމެ މީހަކަށްވެސް ދަނޑެއް ދޫކުރާއިރު، ދަނޑު ދޫކުރުމަށް ހަދާ ރަޖިސްޓްރީއާއެކު ދަނޑުގައި ކުރާ ބޭނުމާއި ހައްދާ ބާވަތްތަކާއި، އެބާވަތްތައް ބޭރުކުރާ އަދަދު ކައުންސިލާ ޙިއްޞާކުރުމަށް ވަނީ އަންގާފައެވެ.
ނަމަވެސް
މި ގޮތަށް ޢަމަލު ކުރަމުންދަނީ ދަނޑުވެރިންގެ ތެރެއިން މަދު ބަޔަކުކަން
ފާހަގަކުރައްވަމުން އަމިރު ވިދާޅުވީ އަލަށް ހަދާ އުޞޫލުގެ ދަށުން އެންމެ ބޮޑު
އިސްކަމެއް ދޭނީ އާ އުޞޫލުގައިވާ ކަންކަން ހަރުދަނާ ކުރުމަށް ކަމަށެވެ.
2008
ވަނަ އަހަރުން ފެށިގެން ފުޅާ ދާއިރާއެއްގައި ދަނޑުވެރިކަން ކުރަމުން އަންނަ މިއަތޮޅު
ގޮއިދޫން ކޮންމެ އަހަރަކު ވެސް އެތައް ބާވަތެއް ރާއްޖޭގެ މާކެޓަށްދަނީ
ނެރެމުންނެވެ. އެގޮތުން ރަށުން ބޭރުކުރާ ތަކެތީގެ ތަފާސް ހިސާބު ބެލެހެއްޓުމުގައި
ކައުންސިލަށް މިހާރު ދިމާވަމުންދާ ދަތިތަކަށް އަލަށް އެކުލަވާލެވޭ އުޞޫލާއެކު
ވަރަށް ބޮޑު ހައްލެއް ލިބިގެންދާނެކަމަށްވެސް އުއްމީދު ކުރައްވާކަމަށް އެރަށު
ކައުންސިލުން ބުންޏެވެ.
ގޮއިދޫން
ދަނޑުވެރިކަމަށް ބިން ދޫކުރުމަށް އައު އުސޫލެއް އެކުލަވާލުމަށް މަސައްކަތްކުރަމުންދާއިރު
މިހާރު ގޮއިދޫއިން ދަނޑު ދޫކުރުމަށް ކަނޑައަޅާފައިވާ ސަރަހައްދުން ބިންދޫކުރުން
ވަގުތީގޮތުން އޮތީ މެދުކަނޑާލާފައެވެ.
