ބ. ކަމަދޫ ޑައިވް އެންޑް ވޯޓަ ސްޕޯޓްސް އާއި ހައިޑްރޯ ޓޯއީސް އިސްނަގައިގެން އެރަށު ގެސްޓު ބީޗާއި ފަރު ސާފު ކުރުމުގެ ބޮޑު ހަރަކާތެއް ހިންގައިފި އެވެ.
“ސާފު ކަމަދޫ” ގެ ނަމުގައި އިއްޔެ ހިންގި މިޕްރޮގްރާމަކީ އެރަށު ހުރިހާ ގެސްޓުހައުސްތަކާއި މުއައްސަސާތައް އަދި ޖަމިއްޔާތަކާއި ވިޔަފާރިވެރިންގެ ބައިވެރި ވުމާއިއެކު ކުރިއަށް ގެންދިޔަ ޕްރޮގްރާމެކެވެ.
މި ޕްރޮގްރާމުގައި ހެނދުނު 9:00 އިން 12:00 ކުރިއަށް ގެންދިޔައީ ފަރު ސާފުކުރުމުގެ ހަރަކާތެވެ. އެއަށްފަހު މެންދުރު ފަހު އޮތީ ވޯޓަރ ސްޕޯސްޓްސް އިވެންޓުތަކެވެ.
މި އިވެންޓު އިންތިޒާމު ކުރުމުގައި
ހަރަކާތްތެރިވި ކަމަދޫ ޑައިވް އެންޑު ވޯޓަ ސްޕޯޓްސް އިން ބުނީ ކަމަދޫ ހައުސް ރީފް
ސާފު ކުރުމުގެ މިޕްރޮގްރާމު ކޮންމެ 3 މަހަކުން ކުރިއަށް ގެންދިޔުމަށް ރާވާފައިވާ ކަމަށެވެ.
އަދި މިއީ ފަރު ސާފު ކުރުމުގެ މިވަރުގެ ބޮޑު އިވެންޓެއް ކުރިއަށް ގެންދިޔޔަ
ފުރަތަމަ ފަހަރުކަމަށާއި މި ޕްރޮގްރާމަށް ކަމަދޫ ރައްޔިތުންގެ ވަރަށްބޮޑު
ތަރުހީބެއް ލިބުނުކަމަށް އެތަނުން ބުންޏެވެ.
“މިކަމަށްޓަކައި ކަމަދޫ ޑައިވް އެންޑް ވޯޓަ ސްޕޯޓްސް އާއު ހައިޑްރޯ ޓޯއީސްގެ މެނޭޖުމަންޓުގެ ނަމުގައި ކަމަދޫގެ މުއައްސަސާތަކާއި ވިޔަފާރިވެރިންނާއި ޖަމިއްޔާ އަދި ރައްޔިތުންގެ ފަރާތުން ލިބުނު އެއްބާރު ލުމަށް ވަރަށް އިޚްލާސްތެރި ޝުކުރެއް ދަންނަވަން،”
ކަމަދޫގައި ވޯޓަރ ސްޕޯޓްސް އަދި ޑައިވް ފެސިލިޓީސް ހިންގަނީ ކަމަދޫގެ ދަރިންނެވެ. މިވަގުތު ކަމަދޫގައި 10 ގެސްޓުހައުސް ހިންގަމުން ދެއެވެ. އަދި އިތުރު ގެސްޓުހައުސްތައް ހުޅުވުމަށް ދަނީ ތައްޔާރުވަމުންނެވެ. އެރަށުގައި ފުޅާ ދާއިރާއެއްގައި ޑައިވިން އަދި މޫދުކުޅިވަރުތައް ވެސް ކުރިއަށް ގެންދެއެވެ.
