5 ވަނަ ޤައުމީ އަތޮޅު ލީގް ބެޑްމިންޓަން މުބާރާތުގެ އޯޕަން ބައިގެ ފިރިހެން ޑަބަލްސް ޗެމްޕިއަންކަން ހުސައިން މުހައްމަދު އާއި އަބްދުލްމަތީން އަހްމަދު ހޯދައިފި އެވެ.
އޭދަފުށީގެ މި ޕެއާ ޗެމްޕިއަންކަން ހޯދީ މިއަދު ހަވީރު ކުޅުނު ފައިނަލުގައި އައްޑޫގެ އިބްރާހީމް އާއި ނަޝީދުގެ ޕެއާގެ މައްޗަށް ވަރަށް ފަސޭހަކަމާއެކު ސީދާ ދެ ސެޓުން ކުރި ހޯދައިގެންނެވެ.
މިއަހަރުގެ މުބާރާތުގައި އޭދަފުށީ ބީޑީސީ ވަނީ މި މުބާރާތުގެ އަތޮޅު ލީގުގެ ޓީމު އިވެންޓްގެ ޗެމްޕިއަންކަން ހޯދައިފައެވެ.
އޭދަފުށީ ބެޑްމިންޓަން ޓީމް އަތޮޅުލީގް ޓީމް އިވެންޓް ޗެމްޕިއަން ޓްރޮފީއާއެކު ބުރާސްފަތި ދުވަހު މެންދުރުފަހު އޭދަފުއްޓަށް އައުމަށް ވަނީ ހަމަޖެހިފައެވެ.
މި މުބާރާތުން އޭދަފުށީ ބީޑީސީ ހޯދި ފުރިހަމަ ކާމިޔާބީ ފާހަގަކޮށް ހުރިހާ ކުޅުންތެރިންނަށާއި މެނޭޖްމަންޓަށް އީޓީގެ ފަރާތުން ވަރަށް ހޫނު މަރުހަބާއެއް ކިޔަމެވެ.
