ސެމީ ފައިނަލުގެ ފުރަތަމަ މެޗުގައި ކިހާދޫއާވާދަކޮށް 2-0 އިން މޮޅުވެ ބ. އެޓޯލް ފުޓްބޯލް ޗެލެންޖުގެ ފައިނަލުގެ ފުރަތަމަ ޖާގަ ގޮއިދޫ ކަށަވަރު ކޮށްފިއެވެ. ގޮއިދޫ ފައިނަލުން ޖާގަ ހޯދީ މުބާރާތުގައި ކުޅުނު އެއްވެސް މެޗަކުން ބަލިނުވެއެވެ.
ގޮއިދުއަށް ލީޑުނަގައި ދިނީ މެޗުގެ 20 ވަނަ މިނިޓުގައި އިބްރާހީމް މާޖިދެވެ. މެޗުގައި ލަނޑު ޖަހާނެ ގިނަ ފުރުސަތުތަކެއް ހޯދީ ވެސް ގޮއިދޫ ޓީމުންނެވެ. މީގެ ނަތީޖާއެއްގެ ގޮތުން މެޗުގެ 78 ވަނަ މިނިޓުގައި ގޮއިދޫއިން ވަނީ އިތުރު ލަނޑެއް ޖަހާ ލީޑު ފުޅާ ކޮށްފައެވެ. މި ލަނޑު ގޮއިދޫއަށް ކާމިޔާބު ކޮށްދިނީ މެޗުގެ މޮޅު ކުޅުންތެރިޔާގެ މަގާމު ހޯދި، އަހުމަދު ނިޒާމެވެ.
ފައިނަލުގައި ގޮއިދޫއާ ދެކޮޅަށް ކުޅޭނެ ޓީމެއް ކަށަވަރުވާނީ ސެމީ ފައިނަލުގެ ދެވަނަ މެޗުގައި މާދަމާ އޭދަފުށްޓާއި ދަރަވަންދޫ ބައްދަލުކުރާ މެޗަށް ފަހުއެވެ.
