12:30 ވަތަނިއްޔާ ދިވެހި ލީގް ޒޯން 3 ފުޓްބޯޅަ މުބާރާތުގައި މިއަދު ހަވީރު ކުޅުމަށް ހަމަޖެހިފައިވާ އޭދަފުށި، ކުރެންދޫ މެޗަށް ކުރެންދޫ ހަފްސީ ސްޕޯޓްސް ކްލަބް އޭދަފުއްޓަށް އައުމަށްޓަކައި މީގެ ކުޑަ އިރުކޮޅެއް ކުރިން ކުރެންދޫން ފުރައިފި އެވެ.
މުދާއުފުލާ ބޯޓެއްގައި ފެށި މިދަތުރުގައި އޭދަފުއްޓާ ހަމައަށް ކުރެންދޫޓީމް ފޯރާވަރުވާނީ ހަވީރު 3:30 ގައި ކަމަށް ކުރެންދޫ ޓީމުން ބުނެއެވެ. އިއްޔެ ކުޅެން ކުރިން ހަމަޖެހިފައި އޮތްމެޗް މިއަދަށް ބަދަލުކުރީ ކަނޑުގަދަވެ ވިއްސާރަ ވުމުގެ ސަބަބުން އިއްޔެ ކުރެންދޫ ޓީމަށް އޭދަފުއްޓަށް ނާދެވިގެންނެވެ.
މިއަދު ބ. އަތޮޅުގެ މޫސުން އިއްޔެ އަށްވުރެ ރަނގަޅެވެ.
މިއަދުގެ މެޗުގެ ލައިވް އަޕްޑޭޓް ވެސް އީޓީން ގެނެސްދޭގޮތަށް ވަނީ ހަމަޖެހިފައެވެ.