ކިހާދޫގައި ކުރިޔަށްދާ އޯސަމް ޑީލް ޔޫތް ކަޕް ފުޓްބޯޅަ މުބާރާތުގެ ދެވަނަ މެޗު 3-0 އެފް.ސީ ސައްލި ކާމިޔާބު ކޮށްފިއެވެ.
ފެލްކަން ސްޕޯޓްސް އާ ދެކޮޅަށް މިއަދު ހަވީރު ކުޅުނު މެޗުގައި ސައްލި ޓީމުގެ ފުރަތަމަ ލަނޑު އެޓީމަށް ކާމިޔާބު ކޮށްދިނީ ނިޔާޒެވެ. މެޗުގެ ފުރަތަމަ ހާފުގައި ފެލްކަން އަށް ވެސް ލަނޑު ޖަހާނެ ރަނގަޅު ފުރުސަތު ތަކެއް ލިބުނެވެ. އެގޮތުން އެޓީމްގެ ފޯވާޑް ސާމިރު ފޮނުވާލި ބާރު ހަމަލާ އެރީ ގޯލްގެ ހުރަސް ދަނޑިއަށެވެ.
މެޗުގެ ދެވަނަ ހާފުގައި ސައްލީ ޓީމުވަނީ އިތުރު ދެ ލަނޑު ޖަހާ ލީޑު ފުޅާކޮށްފައެވެ. މި ދެ ލަނޑުވެސް އެޓީމަށް ކާމިޔާބު ކޮށްދީފައި ވަނީ އެޓީމަށް ކުޅޭ 19 އަހަރުން ދަށުގެ ގައުމީޓީމުގެ ފޯވާޑް އިޝާމް އެވެ.
މިމުބާރާތުގެ ކުޅުން މާދަމާވެސް އޮންނާނެއެވެ. މާދަމާގެ މެޗުގައި ބައްދަލު ކުރާނީ ޗެލެންޖާސް އާއި ފެލްކަން އެވެ.
މި އަހަރުގެ ޔޫތުކަޕް ފުޓްބޯލަ މުބާރާތް ސްޕޮންސާ ކޮށްފައިވަނީ އޯސަމް ޑީލްއިން ނެވެ.
