މިހާރު ކުރަމުންދާ ގަދަ ވިއްސާރައިގައި ބޯކޮށް ވާރޭ ވެހި ބ. ގޮއިދޫގައި ފެން ބޮޑުވެއްޖެ އެވެ. އިއްޔެ ރޭ ކުރި ވިއްސާރައިގައި ވެސް އެރަށުގައި ވަނީ ފެންބޮޑުވެފަ އެވެ.
ގޮއިދޫގައި ފެން ބޮޑުވެގެން ފެން ހިންދުމުގެ މަސައްކަތް ކުރަމުން އަންނައިރު ބ. އަތޮޅު ސަރަހައްދަށް މޫސުން އަދިވެސް ގޯސްވާނެ ކަމަށް މޫސުމާ ބެހޭ އިދާރާއިން ލަފާކުރެ އެވެ.
ގޮއިދޫގައި ފެންބޮޑުވެ، ގޭގެ އަށް ފެން ވަންނާތީ ފެންގަނޑު ހިންދުމުގެ މަސައްކަތް އަންނަނީ ކުރަމުންނެވެ. އެ ރަށަށް ރޭ ފަތިހުން ފެށިގެން ވެހެމުންދާ ވާރޭގެ ސަބަބުން ވަނީ ވަރަށް ބޮޑަށް ފެން ހެދިފަ އެވެ. ބޯކޮށް ވާރޭ ވެހި ބައެއް ގޭގެ އަށް ފެން ވަންނާތީ ވެލިބަސްތާ ޖެހުމުގެ މަސައްކަތް އަންނަނީ ކުރަމުންނެވެ.
“ވެލި ބަސްތާ ޖަހައި ޕަންޕް ބޭނުންކޮށްގެން ފެން ހިންދުމުގެ މަސައްކަތް މިހާރު ކުރަނީ. “މިހާރުވެސް ތުނި ތުނި ކޮށް ވެހެމުން ދަނީ.” އޭނާ ވިދާޅުވި އެވެ.
މިއަދު ހެނދުނު ކުރި ވިއްސާރައިގައި މިއަތޮޅު އެހެން ރަށްރށުގައިވެސް ފެން ބޮޑުވުމުގެ ސަބަބުން ފެން ހިންދުމުގެ މަސައްކަތް އާއްމު ރައްޔިތުންނާއި ފުުލުހުން ގުޅިގެން އަންނަނީ ކުރަމުންނެވެ.