ބ. އޭދަފުށީގައި ހުރި އެންމެ ގިނަދުވަސްވީ ދެ ނިކަގަހެއްގެ ސަބަބުން، އާއްމުންނަށް އުނދަގޫވެ އެކަމުގެ ޝަކުވާ ލިބެމުންދާތީ، އެ ގަސްތައް ކަނޑަން ރަށު ކައުންސިލުން ނިންމައިފި އެވެ.
ރަށު ކައުންސިލުގެ މެންބަރު މުހައްމަދު ރިޒާ މިއަދު ވިދާޅުވި ގޮތުގައި ރަށުގެ ހުޅަނގު ސަހަރައްދު އުރީދޫ ޓަވަރު ކައިރީގައި ހުރި ބޮޑު ނިކަ ގަހަކާއި ހޮސްޕިޓަލާ ދިމާލުން ހުޅަނގު އަތިރިމަތީގައި ހުރި ނިކަގަސް ކަނޑަން ނިންމީ، އެ ސަރަހައްދުތަކުގައި ދިރިއުޅޭ އާންމުންގެ ގޭގެއަށާއި ދިރިއުޅުމަށް ބޮޑެތި އުނދަގޫތަކެއް ދިމާވާތީ އެކަމުގެ ޝަކުވާ އެ އިދާރާއަށް ލިބެމުންދާތީ އެވެ.
‘މިކަމުގެ ޝަކުވާ އާންމު ފަރާތްތަކުން ކުރާތާ ވަރަށް ދުވަސްވެއްޖެ. އެ ގަސްތަކުގެ ސަބަބުން ވާރޭ ފެން ނެގުމުގައި ވެސް ބޮޑެތި ދަތިތަކެއް އެބަހުރި،’ ރިޒާ ވިދާޅުވި އެވެ.
‘އެހެންވެ ތިމާވެއްޓާބެހޭ މިނިސްޓްރީ އާއި އީޕީއޭގެ ހުއްދަ ލިބިގެން ގަސްތައް ކަނޑައި އެ ސަރަހައްދު ސާފުކުރާނެ ފަރާތެއް ހޯދަން ނިންމީ.”
ކައުންސިލުން ބުނީ އެ ގަސްތައް ކަނޑަން ފެށުމާއެކު އެ ގަސްތަކުގެ ބަދަލުގައި އިތުރުގަސްތައް ރަށުތެރޭގައި އިންދުމުގެ މަސައްކަތް ކައުންސިލުން ކުރާނެ ކަމަށެވެ.
ތިމާވެއްޓާބެހޭ މިނިސްޓްރީ އާއި އީޕީއޭގެ ހުއްދައެއް ނުލިބޭ މިކަން ކުރާކަށް. ކައުންސިލުން އަމިއްލައަށް ނިންމައިގެން އުޅޭ ކަމެއް ތީ. މުޅިން އަމިއްލަ ފައިދާ އަށް.
މާ މުއްސަނދި މީހަކު މިސްކިތެއް އަޅައިދޭތީވެ އެ ގަސްތައް އެ ކަނޑާލަނީ. ދެން ހަމަ މިނޫންތަނެއް އެމީހުންނަށް ނުފެނުނީބާ؟
ވަރަށް މުއްސަދި މީހުން ޢުޅޭވާހަކަ އަހަން އޭދަފުށީގައި، މިހާރު މިޒަމާނުގައި ވާރޭފެން ބޯ މީހުން ރާއްޖޭގަ އުޅޭވާހަކައެއް އަދި ނާހަން މިހާރު މާޅޮހު މީހުންވެސް ބޯނީ މިނަރަލް ވޯޓާރ. ވާރޭފެން ބޯވާހަކަ ބުނީމާ ވަރަށް ހައިރާންވެއްޖެ.
ހެޔޮނުވާވަރުގެ ކަންކަށް ކުރަށް އޭދަފުށީގެ ރަތްޔިތުން ތަރުހީބު ދޭތީ ހަމަ ޙައިރާން ވެއްޖެ، މިވަރުގެ ބޮޑު އެޓްރެކްސަން އެއް ނައްތާުލުން ހެޔޮވެސްނުވާނެ!! ޢެންވައިރު މިނިސްޓްރީއިން މިކަމަށް އެކަށީގެން ވާ ފިޔަވަލެއް ޢެޅުމަށް ގޮވާލަން