ބ. މާޅޮހު މާރެސް ޖަމިއްޔާއިން އިންތިޒާމުކޮށްގެން ފެމެލީ އެންޑް ޗިލްޑްރަންސް ސާވިސް ސެންޓަރާ ގުޅިގެން ހޭލުންތެރިކުރުމުގެ ޕްރޮގްރާމުތަކެއް ހިންގައިފި އެވެ.
އެގޮތުން “ދަރިން ތަރުބިއްޔަތު ކުރުން” މި ނަމުގައި މިދިޔަ ހޮނިހިރުދުވަހު ހެދުނު ކުރިއަށް ގެންދިޔަ ފުރަތަމަ ޕްރޮގްރާމު އަމާޒު ކޮށްފައިވަނީ ޕްރީ ސްކޫލް އަދި ގްރޭޑް 1 ގެ ކުދިންގެ ބެލެނިވެރިންނަށެވެ. އަދި މެންދުރުފަހުވަނީ އެރަށުގެ އާއްމު ފަރުދުންނަށް އަމާޒުކޮށްގެން “ޖެންޑާ ބޭސްޓް ވަޔަލެންސް” ގެ ނަމުގައިވެސް ހޭލުންތެރިކުރުމުގެ ޕްރޮގްރާމެއް ކުރިއަށް ގެންގޮސްފަ އެވެ.
މި ޕްރޮގްރާމުތަކުގައި މައުލޫމާތުދެއްވީ ބ އަތޮޅު ފެމެލީ އެންޑް ޗިލްޑްރަންސް ސާވިސް ސެންޓަރުގެ ބޭފުޅުންނެވެ.
މާރެސް ޖަމިއްޔާއިން ބުނީ ކުރިއަށް އޮތް ތާނގައިވެސް ހޭލުންތެރިކަން އިތުރުކުރުމުގެ ޕްރޮގްރާމުތައް ހިންގުމަށް ރާވާފަިއވާ ކަމަށެވެ.