ބ. އޭދަފުށީ ޖަސްޓް ކިއުޓް މޯބައިލް ފިހާރަ ފަޅަލައި ގިނަ އަދަދެއްގެ ފައިސާ އާއެކު އެތަނުގެ ތިޖޫރީ ވަގަށްނެގި މައްސަލައިގެ ތުހުމަތުގައި ބަޔަކު ފުލުހުންގެ ބެލުމުގެދަށަށް ގެނެސްފި އެވެ.
ފުލުހުން ބުނީ މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެނެސްފައިވަނީ 18 އަހަރުގެ ފިރިހެނަކާއި 2 ކުދިން ކަމަށެވެ.
ފުލުހުން ބުނީ މިދިޔަ ހުކުރު ދުވަހުގެރޭ ދަންވަރު 03:00 ހާއިރު އެ ފިހާރައަށް ވަދެފައިވަނީ ފިހާރާގެ ދޮރެއް ހަލާކުކޮށްލައިގެން ކަމަށެވެ. އަދި މި މައްސަލަ ފުލުހުންނަށް ރިޕޯޓްކޮށްފައިވަނީ ހަމަ އެ ދުވަހުގެ މެންދުރު 2:15 ހާއިރު ކަމަށެވެ.
އެ ފިހާރާއިން ދެލައްކަ އަށްވުރެ ގިނަ ފައިސާއާއި -/68،000ރ އަށްވުރެ ގިނަ ފައިސާގެ އަގުހުރި ސާމާނު ވަގަށް ނަގާފައިވާ ކަމަށްވެސް ފުލުހުން ބުންޏެވެ. ވަގަށް ނެގި ތަކެތީގެ ތެރޭގައި މޮބައިލް ފޯނާއި ޖޯއި ސްޓިކް ފަދަ ތަކެތި ހިމެނެއެވެ.
ފުލުހުން ބުނިގޮތުގައި މި މައްސަލަ ރިޕޯޓް ކުރުމާއެކު ފުލުހުންގެ ހާއްސަ ތަހުގީގު ޓީމަކުން ހިންގި އޮޕަރޭޝަނެއްގައި ވަގަށް ނަގާފައިވާ ފައިސާއާއި ތަކެތި ފެނިފައިވަނީ އޭދަފުށީ ބޯޅަދަނޑާ ދިމާ އަތިރިމަތީގައި ހުރި ގަސްތަކެއްތެރޭގައި ފޮރުވާފައި ހުއްޓައެވެ.
މި މައްސަލަ އޭދަފުށި ޕޮލިސް ސްޓޭޝަނުން ދަނީ ތަޙުޤީޤު ކުރަމުންނެވެ.
މީމީހަކު ކިޔާ ނޫހެއްތަ
ފެރީ ގިމަތަ ބންގާއެޅުން މި ހަބަރު ޢީޓީއިން ނުގެނެސްދިނީލީއްވެތޯ، މުހިންު ޚަބަރަކަށް ނުވީތޯ. މިކަހަލަ މުހިންމ ކަންތައްތައް ވާނެ ގެނެސްދެން. ވަރަށް ހިތާމަ ކުރަން މިޚަބަރު ނުލިޔުނީމަ، ފޮޓޯކޮލަމްވެސް އަޕްޑޭޓެއްނޫން. ވަރަށް ސަލާމް
kobA adivves darin rangalhu kuraathi
ތިން މީހުންތަ؟ ނޫނީ ތިން ކުދިންތަ؟
18 އަހަރުގެ ފިރިހެނަކާއި 2 ކުދިންނޭ….
02 ކުދިންނަކީ 18 މަތިތަ؟؟؟؟