ފޯރިގަދަ ކުޅުމަކަށް ފަހު ރެޑް ހައުސް ޖޫނިއާ ނެޓްބޯޅަ ޓީމާއި ވައިލެޓް ހައުސް ސީނިއާ ނެޓްބޯޅަ ޓީމު ފައިނަލުން ޖާގަ ހޯދައިފިއެވެ.
ޖޫނިއާ ނެޓްބޯޅައިގައި މިއަދު ހެނދުނު ކުޅުނު މެޗުގައި ރެޑް ހައުސް ވަނީ 14-12 އިން ވައިލެޓް ހައުސް ބަލިކޮށް، ފައިނަލުން ޖާގަ ހޯދައިފައެވެ. ފުރިހަމަ ދެ ކުއާޓާ ހަމަވިއިރު ދެ ޓީމު އެއްވަރުވެފައި އޮތުމުން ނަތީޖާ ނެރުނީ އިތުރު ދެ ކުއާޓާ ކުޅެގެންނެވެ. ޖޫނިއާ ބަޔާ ހިލާފަށް ސީނިއާ ބައިގައި ވައިލެޓް ހައުސް ވަނީ ރެޑް ހައުސްއާ ކުޅެ، 12-8 އިން މެޗު ކާމިޔާބުކޮށްފައެވެ.
ފައިނަލުގައި ރެޑް ހައުސް ޖޫނިއާ ނެޓްބޯޅަ ޓީމު ބްލޫ ހައުސްގެ ޖޫނިއާ ނެޓްބޯޅަ ޓީމާ ބައްދަލުކުރާއިރު، ވައިލެޓް ހައުސް ސީނިއާ ނެޓްބޯޅަ ޓީމު ބައްދަލުކުރާނީ ބްލޫ ހައުސްގެ ސީނިއާ ނެޓްބޯޅަ ޓީމާއެވެ. މި ދެ ފައިނަލް މެޗުވެސް ކުޅުމަށް ހަމަޖެހިފައި ވަނީ މިއަދު ހަވީރެވެ.
