ފައިނަލުގައި ރޯޔަލް އަތުން 3-1 އިން މޮޅުވެ، ސީސީ އިންޓަ ރިސޯޓް ފުޓްބޯޅަ މުބާރާތުގެ ޗެމްޕިއަންކަން ސޮނެވާފުށީ ޖެހިޖެހިގެން ތިންވަނަ ފަހަރަށް ހޯދައި މުބާރާތުގެ ތަށި މިލްކު ކޮށްފި އެވެ.
އޭދަފުށީ ފުޓްބޯޅަ ދަނޑުގައި މިއަދު ހަވީރު ކުޅުނު ފައިނަލް މެޗުގެ 17 ވަނަ މިނިޓުގައި ސޮނެވާއަށް ލީޑު ހޯދައިދިނީ އަބްދުލްމަޖީދު (މަޖިއްޓޭ) އެވެ. އެކަމަކު 46 ވަނަ މިނިޓުގައި ރޯޔަލްގެ މުހައްމަދު ފަޔާޒު ވަނީ ލަނޑެއް ޖަހައި މެޗުގެ ނަތީޖާ އެއްވަރުކޮށްފަ އެވެ. މެޗުގެ ފަހު ފަހުގައި ސޮނެވާގެ އިސްމާއިލް ފައުޒީ އާއި ނާޒިމް އަބްދުލްބާރީ ވަނީ އިތުރު ދެ ލަނޑު ކާމިޔާބުކޮށްދީ ޓީމަށް ތަށި މިލްކޮށްދީފަ އެވެ.
މި މުބާރާތުގެ އެންމެ މޮޅު ކުޅުންތެރިއާގެ މަގާމް ލިބުނީ ސޮނެވާފުށީ ޓީމުގެ އާދަމް ނިޒާމް (ކިތުނާ) އެންމެ ގިނަ ގޯލްޖެހި ކުޅުންތެރިއަކަށް ސޮނެވާގެ އަޒުމީން އަބްދުއްސައްތާރު ހޮވުނުއިރު، އެންމެ މޮޅު ގޯލްކީޕަރަކަށް ހޮވުނީ ރޯޔަލްގެ ނިހާދު ނާސިރު ހޮވުނުއިރު އެވެ. ފައިނަލް މެޗުގެ އެންމެ މޮޅު ކުޅުންތެރިއަކީ ސޮނެވާގެ އިބްރާހިމް މާޖިދު އެވެ. ފެއާ ޕްލޭ ކުޅުންތެރިއަކަށް ރޯޔަލުގެ މުހައްމަދު ރިޔާޒު ހޮވުނުއިރު، ފެއާ ޕްލޭ ޓީމަކީ ސޮނެވާފުއްޓެވެ.
މުބާރާތުގެ އެންމެ ރަނގަޅު ސަޕޯޓާސް ޓީމަކަށް ރޯޔަލް ހޮވުނު އިރު އެންމެ މޮޅު ކޯޗަކަށް ހޮވުނީ ރޯޔަލް ކޯޗު މޫސާ އިބްރާހިމް އެވެ.
ލޮލް
މަރްޙަބާ.