ސިވިލް ސާވިސް ދުވަސް ފާހަގަކުރުމުގެ ގޮތުން މާދަމާ ހަވީރު އޭދަފުށީގައި އާއިލީ ހަވީރެއް ބާއްވާގޮތަށް ހަމަޖައްސައިފި އެވެ.
ބ. އަތޮޅު ކައުންސިލް އިދާރާއާއި އޭދަފުށީގައި ހުރި ސަރުކާރުއޮފީސްތައް ގުޅިގެން ސިވިލްސާވިސް މުވައްޒަފުންނަށް ޚާއްސަކޮށްގެން ބާއްވާ މި ހަވީރު އޮންނާނީ މާދަމާ 4:15 ން 6:00 އަށް ސްޓޭޖް ސަރަހައްދުގަ އެވެ. މި ހަވީރުގައި ވާދެމުން، ހަންފެޅުން، ބަނަސް ކެއުން އަދި ފުޅިއަށް ފެން އެޅުން ކަހަލަ ކުޅިވަރުތައް އޮންނާނެ ކަމަށްވެސް ކައުންސިލުން ބުނެ އެވެ.
އަތޮޅު ކައުންސިލުން ބުނިގޮތުގައި ކުޅިވަރު ހަވީރުގެ އިތުރުން ވެސް ސިވިލް ސާވިސް ދުވަހާ ގުޅުވައިގެން އެކި ހަރަކާތްތައް އެއްމަސްދުވަހަށް ބަހާލައިގެން ކުރިއަށް ގެންދިއުމަށްދަނީ ރާވަމުންނެވެ.
ސިވިލް ސާވިސް ދުވަހަކީ މޭ 1 އެވެ.
