ސިވިލް ސާވިސް ދުވަހާ ގުޅިގެން ބ. އަތޮޅު ކައުންސިލް އިދާރާއިން އިންތިޒާމްކޮށްގެން ސިވިލް ސާވިސް މުވައްޒަފުންގެ އާއިލީ ހަވީރެއް މިއަދު ހަވީރު ބާއްވައިފި އެވެ.
ސިވިލް ސާވިސް މުވައްޒަފުންގެ އާއިލާތަކަށް ބައިވެރިވެވޭނެ ގޮތަށް ބޭއްވި ހަވީރު ކުރިއަށް ދިޔައީ މިއަދު ހަވީރު 4:00 އިން 6:00 އަށް ސްޓޭޖް ސަރަހައްދުގަ އެވެ.
އެ ހަވީރުގައި ސިވިސް ސާވިސް މުވައްޒަފުންނަށް ޚާއްސަކޮށްގެން ތަފާތު ކުޅިވަރު ހަރަކާތްތައް ކުރިއަށް ގެންގޮސްފައިވެ އެވެ. އެގޮތުން ގޯނިރޭސް، ލޯނބޯ ރޭސް، ބަނަސް ކެއުން، ތިންފައި ރޭސް، ވާ ދެމުން އަދި ރިލޭ ރޭސް ފަދަ ގިނަ ކުޅިވަރުތައް ހިމެނެ އެވެ.
ސިވިލް ސާވިސް ދުވަސް ފާހަގަކުރުމުގެ ގޮތުން އަތޮޅު ކައުންސިލު އިދާރާއިން މިމަހުގެ އެކިދުވަސްތަކަށް ބަހާލައިގެން ތަފާތު ހަރަކާތްތަކެއް ހިންގުމަށް ދަނީ ރާވަމުންނެވެ.
ސިވިލް ސާވިސް ދުވަސް ފާހަގަކުރުމުގެގޮތުން މިދިޔަ އަހަރުވެސް އާއިލީ ހަވީރެއް ބާއްވާފައިވެ އެވެ.
