އިންޓަ އޮފީސް ބެޑްމިންޓަން މުބާރާތުގެ ފިރިހެން ޗެމްޕިއަންކަން އަތޮޅު ހޮސްޕިޓަލު އަދި އަންހެން ބައިގެ ޗެމްޕިއަންކަން ބީއެމްއެލް އޭދަފުށީ ބްރާންޗް ރޭ ހޯދައިފި އެވެ.
އޭދަފުށީގައި ހުރި ސަރުކާރުގެ އޮފީސް/ކުންފުނި ތަކުގެ މެދުގައި، ބ. އަތޮޅު ކައުންސިލާއި އޭދަފުށީ ބީ.ޑީ.ސީ ގުޅިގެން ބޭއްވި މުބާރާތުގެ ފިރިހެން ޗެމްޕިއަންކަން ހޮސްޕިޓަލް ހޯދީ ފައިނަލްގައި ބ. އަތޮޅު ތައުލީމީ މަރުކަޒާއި ވާދަކޮށް ސީދާ ތިން މެޗުން މޮޅުވެގެންނެވެ.
މުބާރާތުގެ އަންހެން ޗެމްޕިއަންކަން ބީއެމްއެލް ހޯދީ ފައިނަލްގައި އޭދަފުށީ ކައުންސިލް އާއި ބައްދަލުކޮށް 2-1 ން މޮޅުވެގެންނެވެ.
މި މުބާރާތުގައި 14 އޮފީހަކުން 8 ޓީމު ވާދަކުރި އެވެ.
އޭދަފުށީ ޔޫތު ސެންޓަރުގެ އިންޑޯ ކޯޓުގައި ބޭއްވި މުބާރާތުގެ ފައިނަލް މެޗަށް ފަހު އިނާމް ދެއްވީ ޝަރަފްވެރި މެހެމާން އޭދަފުށީ ކައުންސިލްގެ ރައީސް އަލީ ވަހީދެވެ.
