މާލޭގައި މިހާރު ކުރިއަށްދާ އައިލެންޑް ކަޕް ފުޓްސަލު މުބާރާތުގެ ފައިނަލަށް އޭދަފުށީ ޓީމު ދަތުރުކޮށްފި އެވެ.
ރާއްޖޭގެ އެކިއެކި ރަށްރަށުން 32 ޓީމު ވާދަކުރާ މި މުބާރާތުގެ ފައިނަލަށް އޭދަފުށި ދިޔައީ މިއަދު ހަވީރު ކުޅުނު ސެމީ ފައިނަލުގެ މެޗުގައި ފ. ނިލަންދޫ އާ ވާދަކޮށް 9-1 އިން މޮޅުވެގެންނެވެ. މި މެޗުގައި އޭދަފުއްޓަށް ލަނޑުތައް ޖަހައިދިނީ އިޝާން އިބްރާހިމް (ސައްޓު) އާއި އަލީ ޒުބައިރު އަދި މުއާޒު އަލީ އެވެ.
މާފަންނު އެކުވެނި ދަނޑުގައި މެއި 30 ވަނަ ދުވަހު ކުޅޭ ފައިނަލުގައި އޭދަފުށި ވާދަކުރަންޖެހޭނީ ހދ. ނާވައިިދޫ އެވެ. އެ ޓީމު ފައިނަލަށް ދިޔައީ ސެމީ ފައިނަލުގައި ބ. ހިތާދޫއާ ވާދަކޮށް ޕެނަލްޓީ ޖަހައިގެން މޮޅުވެގެންނެވެ.
ދިރާގާއި އެސްޓީއޯގެ އެއީތެރިކަމާއެކު، ރައިޒިން ސްޓާ ފޯ ވިލުފުށި ރިކްރިއޭޝަންއިން ބާއްވާ މި މުބާރާތުގެ ޗެމްޕިއަން ޓީމަށް 50،000ރ. ހުށަހަޅާފައިވާއިރު ރަނާ އަޕް ޓީމަށް ހުށަހަޅާފައިވަނީ 10،000ރ. އެވެ.
ސާބަސް އޭދަފުށި ޓީމަށް….
މާ ކުރިންވެސް އެނގޭ އޭދަފުށި ފައިނަލްގައި ކުޅޭނީ ނާވައިދޫއާކަން…. މި މުބާރާތުގައި އޭދަފުށި ދައްކާ ކުޅުމަށް ސާބަސް… ފައިނަލްގައިވެސް މޮޅުވެވޭނެ….. މެނޭޖަރ ސަލްމާން ވަޙީދުގެ ހިންގުންތެރިކަން ވަރަށް ބަރާބަރު….