އޭދަފުށީގައި ހުރި ސަރުކާރު އޮފީސް/ކުންފުނިތަކުގެ މެދުގައި ބާއްވާ ފުޓްސަލް މުބާރާތެއް މިއަދު ހަވީރު ފެށުމަށް ހަމަޖެހިފައިވާކަމަށް ބ. އަތޮޅު ކައުންސިލުން ބުނެފި އެވެ.
އަތޮޅު ކައުންސިލުން ބުނިގޮތުގައި އޮފީސްތަކުގެ މެދުގައި ގުޅުން ބަދަހިކުރުމުގެ ގޮތުން ބާއްވާ މި މުބާރާތުގައި ހުރިހާ އޮފީސް/ކުންފުނިތައް ހިމެނޭގޮތަށް ޖުމްލަ އަށް ޓީމެއް ވާދަކުރާނެ އެވެ.
ދެ ގުރޫޕަކަށް ބަހާލައިގެން ކުރިޔަށްދާ މުބާރާތުގެ ފުރަތަމަ މެޗުގައި މިއަދު ހަވީރު ކުޅޭނީ ޕޮލިހާއި އެސްޓީއޯ/ބަޔޮސްފިއާ އެވެ. ދެވަނަ މެޗުގައި އަތޮޅު ކައުންސިލާ ދެކޮޅަށް ނުކުންނާނީ ތައުލީމީ މަރުކަޒުގެ ޓީމެވެ.
މުބާރާތުގެ މެޗުތައް ކުޅޭނީ ހެނދުނާއި ހަވީރު އޭދަފުށީ ސްޓޭޖް ސަރަހައްދުގަ އެވެ. ފައިނަލު މެޗު އޮންނާނީ ހޮނިހިރު ދުވަހު ހަވީރު އެވެ.
