ދެވަނަ އަށް ހަނދުގައި ފައިތިލަ ބީއްސާލުމުގެ ޝަރަފު ހޯދި އެމެރިކާގެ އެސްޓްރޮނޯޓް ބަޒް އެލްޑްރިން ސޮނެވާފުށީ ރިސޯޓުގައި ޗުއްޓީ ހޭދަކުރަމުން އެބަގެންދެ އެވެ.
އެލްޑްރިން، 82، އިއްޔެ ކުރި ޓްވީޓެއްގައި ބުނި ގޮތުގައި އާއިލާއާ އެކު އޭނާ ރާއްޖެ އައީ “މަސައްކަތް ހިމެނޭ ޗުއްޓީއެއް”ގަ އެވެ. އަދި ބުނީ އޭނާ ޗުއްޓީ ހޭދަކުރަމުން ގެންދަނީ ބ. ސޮނޭވާ ފުށި ރިސޯޓުގައި ކަމަށެވެ.
I’m on a working vacation in the Maldives with my family at Soneva Fushi. Don’t we look like we’re working hard? pic.twitter.com/qMFOnDAIhk
— Buzz Aldrin (@TheRealBuzz) December 3, 2014
ބަޒް އެލްޑްރިން މިއަދު ކުރި ޓްވީޓް.
ބަޒް އެލްޑްރިން ވަނީ މީގެ އަހަރެއްހާ ދުވަސް ކުރިން، މިދިޔަ އަހަރުގެ ޑިސެމްބަރު މަހުގެ ތެރޭގައި ވެސް ރާއްޖެ އައިސްފަ އެވެ.
ހަނދަށް މީހުން ފޮނުވަން އެމެރިކާގެ ޖައްވީ އިދާރާ ނާސާ އިން ކުރިއަށް ގެންދިޔަ ތާރީހީ މިޝަނުގައި ހިމެނިގެން ޖުލައި 20، 1969 ގައި ހަނދަށް ދިޔައީ ބަޒް އެލްޑްރިންގެ އިތުރުން ނީލް އާމްސްޓްރޯންގް އަދި މައިކަލް ކޮލިންސް އެވެ. މީގެ ތެރެއިން ބަޒް އެލްޑްރިން އަކީ ދެ ވަނަ އަށް ހަނދުގައި ފައިތިލަ ޖައްސާލީ މީހާ އެވެ. ހަނދުގައި އެންމެ ފުރަތަމަ ފައިތިލަ ޖައްސާލީ އާމްސްޓްރޯންގެވެ.
އެމެރިކާގެ އެއާފޯސްގެ ޕައިލެޓަކަށް ވެސް މަސައްކަތްކުރި އެލްޑްރިން ވަނީ ކޮރެއާ ހަނގުރާމައިގައި ޖެޓް ފައިޓާ ޕައިލެޓެއްގެ ގޮތުގައި މުހިއްމު ދައުރެއް އަދާކޮށްފަ އެވެ. އެމެރިކާގެ އަސްކަރިއްޔާ އިން ރިޓަޔާކުރިއިރު އޭނާ އަކީ ކާނަލެކެވެ.
އެ ދަތުރުގައި ދުނިޔޭގެ ބައެއް ގައުމުތަކުގެ ދިދަ ހަނދަށް ގެންދިޔަ އިރު އޭގެ ތެރޭގައި ދިވެހި ދިދަ ވެސް ހިމެނުނު ކަމަށްވެ އެވެ. އަދި ހަނދުން ގެނައި ހިލަކޮޅުތަކެއް ވެސް ރާއްޖެ އަށް ލިބުނު ކަމަށްވެ އެވެ. (މައުލޫމާތު: ހަވީރު އޮންލައިން)
ކީއްވެގެންބާ މިފަދަ ޓެކްނޮލޮޖީ ކުރިއަރާފައިވާ ޒަމާނެއްގައި ހަނދަށް ނުދެވެންވީ؟؟ މިއީ އެމެރިކާގެ އޭރިއާ 51 ގައި ނަގާފައިވާ ފޮޓޯތަކެއް… ހަނދަށް ދިޔައިމޭ ކިޔައިގެން އެމެރިކާއިން ފޮނިކެނޑީ… ހަނދުގައި ޖަހާފައިހުރި އެމެރިކާ ދިދަވެސް ވިހުރޭތަން ފެނޭ ފޮޓޯތަކުންނާއި ވީޑިއޯތަކުން… ދެން އުފެދޭ ސުވާލަކީ، ހަނދަކީ ވައި ހުންނަތަނެއްތޯ؟