ހާއްސަ އެހީއަށް ބޭނުންވާ ކުދިންގެ ހާލު ބަލައި އެކުދިންނަށް އަމާން ރައްކާތެރި މާހައުލެއް ހޯދައިދިނުމަށް ބ. އޭދަފުށީ ޕޮލިސް ސްޓޭޝަނުން ޕްރޮގްރާމެއް ކުރިއަށް ގެންގޮސްފި އެވެ.
މިދިޔަ ހޮނިހިރު ދުވަހުގެ ކުރިއަށް ގެންދިޔަ އެ ޕްރޮގްރާމުގައި ފުލުހުން ވަނީ އޭދަފުށީގައި ތިބި ހާއްސަ އެހީއަށް ބޭނުންވާ ކުދިންގެ ގޭގެ އަށް ޒިޔާރަތްކޮށް، އެ ކުދިންގެ ހާލު ބަލައި، އަމާން އަދި ރައްކާތެރި މާހައުލެއް ހޯދައި ދިނުމަށް އެ ކުދިންގެ ބެލެނިވެރިންނަށް ކޮށްދެވިދާނެ ކަންތައްތަކާބެހޭގޮތުން މައުލޫމާތު ދީފަ އެވެ. އަދި އެފަދަ ކުދިންގެ ދިރިއުޅުމުގައި ނުރައްކަލެއް އޮތްތޯ ބަލައި މައުލޫމާތު ސާފުކޮށްފައިވާނެ ކަމަށްވެސް ފުލުހުން ބުނެއެވެ.
އޭދަފުށީ ޕޮލިސް ސްޓޭޝަނުން ބުނީ ކޮންމެ މަހަކުވެސް މިފަދަ ޒިޔާރަތެއް އެކުދިން އުޅޭ ގޭގެއަށް ކޮށް، ކުދިންގެ ހާލުބަލައި ހެދުމަށް ހަމަޖެހިފައިވާ ކަމަށެވެ.
