އޭދަފުށީގައި މިހާރު ކުރިއަށްދާ ސީސީ އިންޓަ ރިސޯޓް ފުޓްބޯޅަ މުބާރާތުގެ ފައިނަލުގެ ފަހު ޖާގަ މިއަހަރު މުބާރާތުގައި އަލަށް ބައިވެރިވި އަމިއްލަފުށި ރިސޯޓް ހޯދައިފި އެވެ.
އެ ޓީމު ފައިނަލަށް ދިޔައީ ދެވަނަ ސެމީގައި މިއަދު ހަވީރު ޑްސިޓް ތާނީ މޯލްޑިވްސް (މުއްދޫ) އާ ވާދަކޮށް 1-0 އިން މޮޅުވެގެންނެވެ.
ވާދަވެރި ކުޅުމެއް ފެނުނު މި މެޗުގެ ފުރަތަމަ ހާފުގެ ކުރީކޮޅު އަމިއްލަ ފުއްޓަށް ލަނޑު ޖަހައިދިނީ ހަސަން ޝިފާހު އެވެ.
މި މެޗުގައި ދެ ޓީމަށްވެސް ސަޕޯޓްކުރުމަށް އެ ރިޒޯޓުތަކުގެ ގިނަ އަދަދެއްގެ މުވައްޒަފުން އޭދަފުއްޓަށް އައެވެ. ބެރާއި ދުންމާރީގެ އަޑުން ދެ ޓީމުގެ ސަޕޯޓަރުންގެ ފަރާތުން ފެނިގެން ދިޔައީ އެއްވެސް ބަޔަކަށް ދޫނުދީ ތަރުހީބު ދެމުންދިޔަ މަންޒަރެވެ.
މިއަދުގެ މެޗުގެ މޮޅު ކުޅުންތެރިއަކަށް ހޮވުނީ އަމިއްލަ ފުށި ރިސޯޓްގެ އިސްމާއިލް ރިޒާ އެވެ.
ފައިނަލުގައި ހޯމަ ދުވަހު ހަވީރު އަމިއްލަފުށި ވާދަކުރާނީ އަނަންތަރާ ކިހަވައް ވިލާސް ރިސޯޓާ އެވެ. އަނަންތަރާ ފައިނަލަށް ނުކުންނަ އިރު އެ ޓީމުގެ ކޯޗު ސެމީގެ ފުރަތަމަ މެޗުގައި ކުޅިވަރުގެ ރޫހާ ހިލާފު އަމަލުތަކެއް ހިންގާފައިވާތީ، ވަނީ ސަސްޕެންޑް ކޮށްފަ އެވެ.