ދިރާގު ތްރީ އޮން ތްރީ މުބާރާތުގެ ސެމީ ފައިނަލުން ޓީމު އީޕީ އާއި ފެއިމްސް ޔުނައިޓެޑާއިި ތުތިމަސް އެފްސީ އަދި ދިރާގު ޖާގަ ހޯދައިފި އެވެ.
ޓީމު އީޕީ ސެމީ ފައިނަލަށް ދިޔައީ ރޭ ކުޅުނު ކުއާޓާ ފައިނަލުގެ ފުރަތަމަ މެޗުގައި ކްލަބް ސަޖި އެން ފްރެންޑްސް އާ ވާދަކޮށް 1-0 އިން މޮޅުވެގެންނެވެ. ފެއިމްސް ޔުނައިޓެޑް ސެމީ އަށް ދިޔައީ އެފްސީ އޮޒޯކް އާ ވާދަކޮށް 2-0 އިން މޮޅުވެގެންނެވެ.
ތުތިމަސް ސެމީން ޖާގަ ހޯދީ އެފްސީ ހަބޭސް އަތުން 2-1 އިން މޮޅުވެގެންނެވެ. އަދި ދިރާގު ޓީމު ސެމީ އަށް ދިޔައީ ޑައުން ޓައުން އަތުން 1-0 އިން މޮޅުވެގެންނެވެ.
ކްއާޓާ ފައިނަލް މެޗުތަކުގެ މޮޅު ކުޅުންތެރިން:
• ފުރަތަމަ މެޗު: ހުސައިން ފާސިރު (ޓީމު އީޕީ)
• ދެވަނަ މެޗު: އިޝާން އިބްރާހީމް (ފެއިމްސް)
• ތިންވަނަ މެޗު: އިބްރާހިމް މުހައްމަދު (ތުތިމަސް އެފްސީ)
• ހަތަރުވަނަ މެޗު: މުހައްމަދު ޖައިލަމް (ދިރާގު)
މުބާރާތުގެ ސެމީ ފައިނަލް މެޗުތައް ކުޅޭނީ މިރެ އެވެ. ސެމީގެ ފުރަތަމަ މެޗުގައި ޓީމު އީޕީ އާއި ދެކޮޅަށް ތުތިމަސް އެފްސީ ނުކުންނަ އިރު، ދެވަނަ މެޗުގައި ދިރާގާ ދެކޮޅަށް ކުޅޭނީ އެންމެ ފަހުގެ ޗެމްޕިއަން ފެއިމްސް ޔުނައިޓެޑް އެވެ.
އޭދަފުށީ ޒުވާނުންނަށް ހުޅުވާލައިގެން ކްލަބް ދަ ބިގިނާސް އިން ރޯދަ މަހު ބާއްވާ، ތްރީ އޮން ތްރީ ފުޓްބޯޅަ މުބާރާތުގެ އޮފިސަލް ސޮޕޮންސަރަކީ ރާއްޖޭގެ އެންމެ ބޮޑު މުއާސަލާތީ ކުންފުނި ދިރާގު އެވެ. ކޯ ސްޕޮންސަރުންނަކީ ކެލިން އާއި ޑިޒަޔާޑް މޯލްޑިވްސް އެވެ. މިފަހަރުވެސް މުބާރާތުގެ މީޑިޔާ ޕާޓްނަރަކަށް ހަމަޖައްސާފައި ވަނީ އޭދަފުށި ޓައިމްސް “އީޓީ” އެވެ.
