ދިރާގު ތްރީ އޮން ތްރީ ސޮކާ ކަޕްގެ ފައިނަލަށް އެންމެ ފަހުގެ ޗެމްޕިއަން ފެއިމްސް ޔުނައިޓެޑާއި ޓީމު އީޕީ (އޭދަފުށީ ޕޮލިސް) ދަތުރުކޮށްފި އެވެ.
މިހާތަނަށް މި މުބާރާތުގެ ފައިނަލުގައި ތިން ފަހަރު ކުޅެ، އެ ތިން ފަހަރުވެސް ޗެމްޕިއަންކަން ހޯދައި މުބާރާތުގެ އެންމެ ކާމިޔާބު ޓީމު ފައިނަލަށް ދިޔައީ ރޭ ކުޅުނުު ސެމީ ފައިނަލުގެ މެޗުގައި ދިރާގާ ވާދަކޮށް 3-1 އިން މޮޅުވެގެންނެވެ. މި މެޗުގައި ޕެއިމްސް އަށް ހުސައިން މުހައްމަދު ދެ ލަނޑު ޖަހައިދިން އިރު، އަނެއް ލަނޑު ޖަހައިދިނީ އަބްދުﷲ ޒައީމު އެވެ.
އޭދަފުށީ ޕޮލިސް ޓީމު ފައިނަލަށް ދިޔައީ ސެމީ ފައިނަލުގައި ތުތިމަސް އެފްސީއާ ވާދަކޮށް 2-1 އިން މޮޅުވެގެންނެވެ. މެޗުގައި ޕޮލިހަށް ދެ ލަނޑުވެސް ކާމިޔާބުކޮށްދިނީ ސިމާން ސައީދެވެ.
ފެއިމްސް ޔުނައިޓެޑް އާއި ޕޮލިސް ކުޅޭ ފައިނަލް މެޗު އޮންނާނީ މިރޭ 22:00 ގަ އެވެ.
އޭދަފުށީ ޒުވާނުންނަށް ހުޅުވާލައިގެން ކްލަބް ދަ ބިގިނާސް އިން ރޯދަ މަހު ބާއްވާ، ތްރީ އޮން ތްރީ ސޮކާ ކަޕުގެ އޮފިސަލް ސޮޕޮންސަރަކީ ރާއްޖޭގެ އެންމެ ބޮޑު މުއާސަލާތީ ކުންފުނި ދިރާގު އެވެ. ކޯ ސްޕޮންސަރުންނަކީ ކެލިން އާއި ޑިޒަޔާޑް މޯލްޑިވްސް އެވެ. މިފަހަރުވެސް މުބާރާތުގެ މީޑިޔާ ޕާޓްނަރަކަށް ހަމަޖައްސާފައި ވަނީ އޭދަފުށި ޓައިމްސް “އީޓީ” އެވެ.
މިއީ ޓީބީ އިން މި މުބާރާތް ބާއްވާ ހަ ވަނަ އަހަރެވެ.
ސައްޓު މޮޅުވައްޗޭ.
ކާކަށް ކޯއްޗެއް އިނގޭނީ!!