މި އަހަރުގެ ބޮޑު އީދު ޗުއްޓީއާ ގުޅުވައިގެން އޭދަފުށީގައި މިއަދު ހަވީރުފެށި “ރައީސް ޔާމީން 2018″ ފުޓްބޯލް ޗެލެންޖު ހުޅުވި މެޗުގައި ސަންސެޓް ސްޕޯޓްސް އާއި އެމްއޭ ޔުނައިޓެޑް ކުޅުނު މެޗު 3-1 އިން މިދިޔަ އަހަރުގެ ޗެމްޕިއަން އެމްއޭ ޔުނައިޓެޑް ކާމިޔާބު ކޮށްފި އެވެ.
މެޗުގެ ފުރަތަމަ ލަނޑު ޖެހީ ސަންސެޓުންނެވެ. ހަތަރުވަނަ މިނިޓްގައި އެ ޓީމަށް އެ ލަނޑު ކާމިޔާބު ކޮށްދިނީ ސާއިދު އަބޫބަކުރު އެވެ.
ނަމަވެސް ސަންސެޓުން ލީޑު ނަގާފައި ވަނިކޮށް އޭގެ ފަސްވަރަކަށް މިނިޓްފަހުން ލިބުނު ޕެނަލްޓީއަކުން އެމްއޭ ޔުނައިޓެޑުން އެއްވަރު ކުރީ ސާމީ އިބްރާހިމް ޖަހައިދިން ލަނޑުންނެވެ. އަދި އޭގެ ފަހުން އެމްއޭ ޔުނައިޓެޑްގެ އަލީ ޖިނާހު ޖެހި ދެ ލަނޑުން އެ ޓީމުވަނީ މޮޅުވެފަ އެވެ.
މި މުބާރާތުގައި މާދަމާ ދެ މެޗު ކުޅޭނެ އެވެ. މާދަމާ މެންދުރު ފަށާ ފުރަތަމަ މެޗުގައި ބައްދަލުކުރާނީ ސޮނެވާ އާއި އެންޖޯއީ ފްރެންޑްސް އެވެ. ދެވަނަ މެޗުގައި ހަވީރު ސައިނޯސާއާ ދެކޮޅަށް ނުކުންނާތީ ވެލާ ސިޓީ އެވެ.
ރައީސް ޔާމީންގެ 2018 ގެ ކެމްޕެއިންގެ ތެރެއިން ނަމަވެސް، އޭދަފުށީގެ ފުޓްބޯޅަ ކުރިއަރަމުން ދާތީ ނުހަނު އުފާކުރަން.