ބ. އޭދަފުށީގައި މިހާރު ކުރިއަށްދާ “ރައީސް ޔާމީން 2018″ ފުޓްބޯލް ޗެލެންޖުގައި މިއަދު ކުޅުނު ފުރަތަމަ މެޗުން ސޮނެވާފުށި ރިސޯޓް މޮޅުވި އިރު، ވެލާ ސިޓީ އާއި ސައިނޯސާ ކުޅުނު މެޗު އެއްވަރުވެއްޖެ އެވެ.
އޭދަފުށީ ފުޓްބޯޅަ ދަނޑުގައި މިއަދު މެންދުރު ކުޅުނު ފުރަތަމަ މެޗުގައި ގްރޫޕް އޭ ގެ އެންޖޯއީ ފްރެންޑްސް އަތުން ޓީމް ސޮނެވާ މޮޅުވީ 1-0 އިންނެވެ. މި މެޗުގައި ސޮނެވާއަށް ލަނޑު ޖަހައިދިނީ އިބްރާހިމް މާޖިދު އެވެ.
މިއަދު ހަވީރު ކުޅުނު މެޗުގައި ގްރޫޕް ބީ ގެ ވެލާސިޓީ އާއި ސައިނޯސާ ބައްދަލުކުރި މެޗު އެއްވެސް ޓީމަކަށް ލަނޑެއް ނުޖެހި ނިމުނީ އެއްވަރުވެގެން ނެވެ.
މި މުބާރާތުގެ މާދަމާ ކުޅޭ ފުރަތަމަ މެޗުގައި ބައްދަލުކުރާނީ ޓީމު ސޮނެވާ އާއި ސަންސެޓް ސްޕޯޓްސް އެވެ. ދެވަނަ މެޗުގައި އެމްއޭ ޔުނައިޓޭޑާ ދެކޮޅަށް ނުކުންނާނީ އެންޖޯއީ ފްރެންޑްސް އެވެ.