ބ. އޭދަފުށީގައި މިހާރު ކުރިއަށްދާ “ރައީސް ޔާމީން 2018″ ފުޓްބޯލް ޗެލެންޖުގެ ސެމީ ފައިނަލަށް ސޮނެވާފުއްޓާއި އެމްއޭ ޔުނައިޓެޑް ދަތުރު ކޮށްފި އެވެ.
ޓީމު ސޮނެވާ ސެމީ ފައިނަލުން ޖާގަ ހޯދީ ފަސޭހަ ކަމާއެކު ސަންސެޓް ސްޕޯޓްސް4-1 އިން މިއަދު ބަލިކުރުމަށްފަހު އެވެ. މި މެޗުގައި ސޮނެވާގެ އާދަމް ނިޒާމް ވަނީ ހެޓްރިކެއް ހަދައިފަ އެވެ. އަދި އެ ޓީމުގެ އަނެއް ލަނޑު ކާމިޔާބު އަބްދުލްމަޖީދު އިބްރާހިމް (މަޖިއްޓޭ) އެވެ.
ސަންސެޓް އިން ޖެހި ހަމައެކަނި ލަނޑު އެޓީމަށް ކާމިޔާބު ކުރީ މެޗު ނިމެނިކޮށް މުހައްމަދު ރަޝީދު އެވެ.
މިދިޔަ އަހަރުގެ ޗެމްޕިއަން އެމްއޭ ޔުނައިޓެޑް ސެމީ ފައިނަލުން ޖާގަ ހޯދީ މިއަދު ހަވީރު ކުޅުނު މެޗުގައި 2-1 އިން އެންޖޯއީ ފްރެންޑް ބަލި ކުރުމަށްފަހު އެވެ. އެޓީމަށް ލަނޑުތައް ޖަހައިދިނީ ޝާފީ އަލީ އާއި އަލީ ފާސިރު (ސެންޓޭ) އެވެ. އެންޖޯއީ ފްރެންޑްސް އިން ޖެހި ހަމައެކަނި ލަނޑު އެޓީމަށް ޖަހައިދިނީ އަލީ އިހުސާން އެވެ.
މި މުބާރާތުގެ ދެ މެޗު މާދަމާވެސް ކުޅޭނެ އެވެ. ފުރަތަމަ މެޗުގައި ސައިނޯސާ އާ ދެކޮޅަށް ޔުނައިޓެޑް ވީ ނުކުންނައިރު، ދެވަނަ މެޗުގައި ބައްދަލުކުރާނީ މިހާރުވެސް ސެމީން ޖާގަ ހޯދާފައިވާ ސޮނެވާ އާއި އެމްއޭ ޔުނައިޓެޑް އެވެ.