ކުރިޔަށްއޮތް ދެ ދުވަހުވެސް ބ. އަތޮޅުގެ ރަށްރަށަށް ގުގުރުމާއެކު ގަދަޔަށް ވިއްސާރަވެ، މޫސުން ގޯސްވާނެކަމަށް މެޓްއޮފީހުން ބުނެފި އެވެ.
މެޓް އޮފީހުން މިއަދު ހެނދުނު ވަނީ ރ. އަތޮޅާއި ގދ. އަތޮޅާ ދެމެދުގެ ރަށްތަކަށް ވައިޓް އެލާޓް ނެރެފަ އެވެ. މި އެލާޓު ނެެރެފައިވަނީ މެންދުރު 2:30 އާ ހަމައަށެވެ.
އެ އިދާރާއިން ބުނީ ބ. އަތޮޅުގެ ސަރަހައްދަށް 15 މޭލާއި 20 މޭލާ ދެމެދުގެ ބާރުމިނުގައި ވައިޖެހޭނެ ކަމަށެވެ. އަދި ގުގުރުމާއެކު ބޯކޮށް ވާރޭވެވެހުންވެސް އެކަށީގެންވާ ކަމަށް މެޓް އޮފީހުން ބުންޏެވެ.
ރާއްޖޭގެ ހުރިހާ ހިސާބަކަށް ވިއްސާރަކުރަމުން ދާތާ މިހާރު ދެ ހަފުތާ ވަނީ އެވެ.
މެޓުން ލަފާކުރާ ގޮތުގައި މިއަދާ މާދަމާ ވެސް ރާއްޖޭގެ ބޮޑު ސަރަހައްދަކަށް މި ގޮތަށް ވިއްސާރަ ކުރާނެ އެވެ.
ކަނޑު އާދައިގެ ވަރަކަށް ގަދަ ވާނެ ކަމަށް މެޓުން ބުނެ އެވެ. އެހެންވެ، ކަނޑުދަތުރުފަތުރު ކުރާއިރު މޫސުމަށް ހާއްސަ ސަމާލު ކަމެއް ދޭން ކަމާ ބެހޭ ފަރާތްތަކުން އަންނަނީ އިލްތިމާސް ކުރަމުންނެވެ.