ބައިނަލްއަގްވާމީ ޓޫރިޒަމް ދުވަސް ފާހަގަކުރަން އަމިއްލަ ފުށި ރިސޯޓްގައި އިއްޔެ ގަސް އިންދުމުގެ ޕްރޮގްރާމެއްް ބާއްވައިފި އެވެ.
މި މަހުގެ 27 ވަނަ ދުވަހު ފާހަގަކުރި ބައިނަލްއަގްވާމީ ޓޫރިޒަމް ދުވަހާ ގުޅުވައިގެން ބޭއްވި ގަސް އިންދުމުގެ ޕްރޮގްރާމުގައި ބ. އަތޮޅު ތައުލީމީ މަރުކަޒުގެ ދަރިވަރުން ބައިވެރިވެފައިވެ އެވެ. އެގޮތުން އެ
ސްކޫލުގެ ގްރޭޑް 8، 9 އަދި 10 ގެ ދަރިވަރުން އިއްޔެ މެންދުރުފަހު އެ ރިސޯޓަށް ގޮސް ގަސް އިންދާފައިވެ އެވެ.
ގަސް އިންދުމުގެ ޕްރޮގްރާމުގައި އެ ރިސޯޓުގައި ތަފާތު ވައްތަރުގެ ގަސްތައް އިންދައިފައި ވެ އެވެ.
ގަސް އިންދުމުމުގެ ޕްރޮގްރާމުގެ އިތުރުން އެ ރިސޯޓްގެ ބައެއް ޑިޕާޓްމަންޓުތަކުގައި މަސައްކަތްތައް ކުރިއަށްދާ ގޮތް ދަރިވަރުންނަށް ވަނީ ދައްކުވައިދީފަ އެވެ.
