ވޯލްޑްކަޕް ކޮލިފައިންގައި އަންނަ ބުރާސްފަތި ދުވަހު ހޮންކޮންގ އާ ދެކޮޅަށް ޤައުމީ ޓީމް ކުޅެންޖެހޭ މެޗަށް އެކުލަވާލި ސްކޮޑުން އޭދަފުއްޓަށް ނިސްބަތްވާ ހުނަރުވެރި ކުޅުންތެރިޔާ ޢަލީ ފާސިރަށް އަލުން ޖާގަދީފިއެވެ.
މިދިޔަ ބޮޑުއީދުގައި އޭދަފުށީގައި ބޭއްވި ފުޓްބޯޅަ މުބާރާތުގައި ކުޅުމުގެ ސަބަބުން އެންމެ ފަހުން ގައުމީ ޓީމު ކުޅުނު ދެމެޗުން ސެންޓޭ ބާކީކުރިއެވެ. އެފަހަރު ސްކޮޑުން ސެންޓޭ ބާކީކުރީ ޓީމުގައި ހިމެނިފައި ވަނިކޮށެވެ.
މިދިޔަ އަހަރު ކުރީކޮޅު ފައިގެ އޮޕަރޭޝަންގެ ސަބަބުން ސެންޓޭގެ މޮޅު ކުޅުން މިއަހަރު ދެއްކޭގޮތްވަނީ ނުވެފައެވެ. ނަމަވެސް ފަހަކަށް އައިސް ނިއުރޭޑިއަންޓް ކުޅުނު މެޗްތަކުގައި ސެންޓޭ ވަނީ މޮޅު ކުޅުމެއް ދައްކާފައެވެ. ޤައުމީ ޓީމުން ގަވާއިދުން ޖާގަހޯދަމުން އަންނަ ސެންޓޭ އަކީ ޓީމުގެ މުހިއްމު ކުޅުންތެރިއެކެވެ.
މިފަހަރު އެކުލަވާލި ސްކޮޑުގައިވެސް އޭދަފުއްޓަށް ނިސްބަތްވާ ތިންކުޅުންތެރިއަކު ހިމެނިފައިވެއެވެ. ސެންޓޭގެ އިތުރުން ދެން ހިމެނުނީ ނިއުރޭޑިއަންޓްގެ މުހިއްމު ދެކުޅުންތެރިން ކަމަށްވާ ޝާފިއު އަޙްމަދު (ޝާފީ) އާއި ހަމްޒާ މުޙައްމަދު (ހަމްޕު) އެވެ.
Eyru ves egay thihen kan vaany
ގައުމީ ޓީމުން ސެންޓޭ ބާކީކުރުމަކީ ވަރަށް ފީކަޅާ ވިސްނުމެއް. ސެންޓޭމެންކަހަލަ ކުޅުންތެރިން ނުލާ ކިހިނެއް ރާއްޖޭގެ ފުޓްބޯޅަ ކުރި އަރުވާނީ. ސާބަހޭ އޭދަފުށީ ދަރިން