އަނަންތަރާ އިން ބ. އަތޮޅުގައި ހިންގަމުން އަންނަ އަނަންތަރާ ކިހަވައް ވިލާސް ރިސޯޓުން ކޮންމެ އަހަރަކު ވެސް ކުރިއަށް ގެންދާ ކިހަވައް އޮލިމްޕިކްސް އިއްޔެ ފަށައިފި އެވެ.
އަނަންތަރާ ކިހަވައް ވިލާސް ރިސޯޓުގައި އިއްޔެ ހަވީރު މި ކުޅިވަރުތައް ފައްޓަވައިދެއްވީ ރިސޯޓްގެ ޖެނެރަލް މެނޭޖަރު ޖޯން މާކު އެވެ.
މި އަހަރުގެ ކިހަވައް އޮލިމްޕިކްސްގައި ވެސް ރިސޯޓްގެ މުވައްޒަފުން ވަނީ ހަތަރު ޓީމަކަށް ބަހާލައިފަ އެވެ. މިފަހަރު ޓީމުތަކަށް ނަންތައް ދީފައިވަނީ ބައްރު ތަކަށް ނިސްބަތްކޮށެވެ. ޓީމުތަކަކީ އޭޝިޔާ، އެފްރިކާ، އެމެރިޔާ އަދި ޔޫރަޕެވެ.
އަންނަ ހޮނިހިރު ދުވަހުގެ ނިޔަލަށް ކުރިއަށްދާ ކިހަވައް އޮލިމްޕިކްސްގައި މި އަހަރު 22 ކުޅިވަރު ހިމެނެ އެވެ.
މި ކުޅިވަރުތައް އިންތިޒާމުކުރުމުގައި އިސްކޮށް ހަރަކާތްތެރިވާ އިސްމާއިލް ޝަހީމު ވިދާޅުވީ ކިހަވައް އޮލިމްޕިކްސްގެ ކުޅިވަރުތައް ބާއްވަމުން އަންނަނީ މުވައްޒަފުންގެ މެދުގައި އެކުވެރިކަމާއި ކުޅިވަރުގެ ރޫހު އާލާކުރުމުގެ ގޮތުން ކަމަށެވެ.
މިއީ މި ކުޅިވަރުތައް އެ ރިސޯޓުގައި ކުރިއަށްގެންދާ ހަތަރު ވަނަ އަހަރެވެ.
