ބ. އަތޮޅުގެ ރަށްތަކަށް އަމާޒުކޮށްގެން އޭދަފުށީ ޔޫ ސްޕޯޓްސް އިން އިންތިޒާމްކޮށްގެން ބާއްވާ ބ. އެޓޯލް ފުޓްބޯޅަ ޗެލެންޖުގެ ގުރުނަގައިފި އެވެ.
މިއަދު މެންދުރު އޭދަފުށީ ކޮރަލް ޕާކް ރެސްޓޯރެންޓްގައި ކުރިއަށް ގެންދިޔަ މި ރަސްމިއްޔާތުގައި މުބާރާތުގައި ބައިވެރިވާ 8 ޓީމު ވަނީ ދެ ގްރޫޕަކަށް ބަހާލާފަ އެވެ.
ގްރޫޕް “އޭ” ގައި ހިމެނެނީ ގޮއިދޫ، ކިހާދޫ، މާޅޮސް އަދި ފުޅަދޫއެވެ. ގްރޫޕް “ބީ” ގައި ހިމެނެނީ ކުޑަރިކިލު، ފެހެންދޫ، ދަރަވަންދޫ އަދި އޭދަފުއްޓެވެ.
މުބާރާތުގެ ފުރަތަމަ މެޗުގައި ވާދަކުރާނީ ގޮއިދޫ އަދި ކިހާދޫއެވެ. މި މުބާރާތް ކުރިއަށް ގެންދިއުމަށް ހަމަޖެހިފައިވަނީ އަންނަ މަހުގެ 5 އިން 16 އަށް އޭދަފުށީ ރަސްމީ ފުޓްބޯޅަ ދަނޑުގައެވެ. މުބާރާތަށް ތައްޔާރުވުމުގެ ގޮތުން އަތޮޅުގެ ރަށްރަށުން ފޯރިއާއެކު ދަނީ ތައްޔާރުވަމުންނެވެ.
އޭދަފުށީ ސްޕޯޓްސް ފިހާރައެއް ކަމަށްވާ ޔޫ ސްޕޯޓްސް އިން އިންތިޒާމުކޮށްގެން މިފަހަރުގެ މުބާރާތް ކުރިއަށް ގެންދަނީ އޭދަފުށީ ޔޫތް ޑިވޮލޮޕްމެންޓާއި ގުޅިގެންނެވެ. މިއީ މި މުބާރާތް ކުރިއަށްގެންދާ ހަތަރުވަނަ އަހަރެވެ. މުބާރާތުގެ މިދިޔަ އަހަރުގެ ޗެމްޕިއަންކަން ހޯދީ ފައިނަލްގައި އޭދަފުށި ބަލިކޮށް ގޮއިދޫ ޓީމެވެ.
މުބާރާތުގެ މެއިން ސްޕޮންސަރަކީ “ޔޫ ސްޕޯޓްސް” އެވެ. ކޯ ސްޕޮންސަރުންނަކީ ދިރާގު، އެމް.ޑަބްލިއު.އެސް.ސީީ، ރެެޑްވޭވް އަދި އޭދަފުށީ ކެލިން ފިހާރ އެވެ. މިފަހަރުވެސް މި މުބާރާތުގެ އޮންލައިން މީޑިއާ ޕާޓްނަރަކީ “އީޓީ” އެވެ.
Kihaadhoo varugadha challenge akah thayyaaru vefa othee. Engidhaane thaa vaa gotheh kulheleema.