މާލޭގައި މިހާރު ކުރިއަށްދާ އަށްވަނަ އަތޮޅު ލީގު ބެޑްމިންޓަން މުބާރާތުގެ ސެމީ ފައިނަލުގައި ނ. ހޮޅުދޫ ބީޑީސީ އަތުން ބަލިވެ، އޭދަފުށީ ބީޑީސީ ކަޓައިފި އެވެ.
މިރޭ ކުޅުނު މެޗުން ވޭތުވެ ތިން އަހަރުގެ ޗެމްޕިއަން އޭދަފުށި ބަލިވީ ހޮޅުދޫ އަތުން 3-2 މެޗުންނެވެ. ހޮޅުދޫ ޓީމަކީ މިދިޔަ އަހަރުގެ ރަނާއަޕް ޓީމެވެ.
ސެމީގެ ފުރަތަމަ ސިންގަލްސް ގައި އޭދަފުށީގެ ޝަރުމީލް އާއި ހޮޅުދޫ ޓީމުގެ މުތީއު ބައްދަލުކުރި މެޗު 21-19، 21-19 އަދި 21-17 ން ކާމިޔާބުކުރީ އަބްދުﷲ މުތީއު އެވެ.
ފުރަތަމަ ޑަބަލްސްގައި އޭދަފުށީގެ މުހައްމަދު އިކްރާމް އަދި ހުސައިން މުހައްމަދުގެ ޕެއާ އާއި ހޮޅުދޫގެ ހުނައިފް އަދި އާކިފްގެ ޕެއާ ބައްދަލުކުރި މެޗް 21-18، 25،23 އަދި 21-13 ން ކާމިޔާބުކުރީ އިކްރާމް އަދި ހުސައިންގެ ޕެއާ އެވެ.
ސެމީގެ ދެވަނަ ޑަބަލްސްގައި އޭދަފުށީގެ އިބްރާހިމް މުހައްމަދު އަދި ހަސަން ނިޔާޒުގެ ޕެއާ އާއި ހޮޅުދޫގެ މުތީއު އަދި އުނައިޝް ޕެއާ ބައްދަލުކުރި ސީދާ ދެ ސެޓުން ކާމިޔާބުކުރީ ހޮޅުދޫގެ ޕެއާއެވެ. އެއީ 21-13 އަދި 21-19 އިންނެވެ.
ދެވަނަ ސިންގަލްސްގައި އޭދަފުށީގެ ހުސައިން މުހައްމަދު އާއި ހޮޅުދޫގެ އާކިފް ބައްދަލުކުރި މެޗް ދެ ސެޓް ކާމިޔާބުކުރީ ތޮލާލް ހުސައިން މުހައްމަދު އެވެ. ސެޓްތައް ގެންދިޔައީ 21-12 އަދި 21-13 އިންނެވެ.
ސެމީ ފައިނަލުގެ ފަހު ޑަބަލްސްގައި އޭދަފުށީ ޓީމުގެ އިކްރާމް އާއި ހަސަން ނިޔާޒްގެ ޕެއާ ހޮޅުދޫގެ އުނައިސް އަދި މުމްތާޒު ގެ ޕެއާ ބައްދަލުކުރި މެޗު 21-14 އަދި 21-9 އިން އޭދަފުށި ބަލިކޮށް ހޮޅުދޫ ޓީމު ފައިނަލުން ޖާގަ ހޯދީއެވެ.
މުބާރާތުގެ ފައިނަލް ކުޅޭނީ އަންނަ ހޯމަ ދުވަހު ހަވީރު އެވެ.
