ސޮނެވާފުށީ ރިސޯޓްގެ އެފް އެންޑް ބީ ޑިޕާޓްމަންޓް ގައި މަސައްކަތްކުރާ މުވައްޒަފުންގެ މެދުގައި ބޭއްވި “ސޮނެވާ އެފް އެންޑް ބީ ފުޓްސަލް ޓޯނަމެންޓް” ޕިރަމިޑް އެފްސީ ކާމިޔާބުކޮށްފި އެވެ.
ޗެމްޕިއަން ޓީމަށް އެ ރިސޯޓުން 10،000ރ. އަދި ރަނާއަޕް ޓީމަށް 5،000ރ. ހުށަހަޅާފައިވާ މި މުބާރާތުގައި ޕިރަމިޑް ޓީމު ޗެމްޕިއަންކަން ހޯދީ ފައިނަލުގައި ފްލޯޓިން އެފްސީ ޓީމު 4-3 އިން ބަލިކޮށްފަ އެވެ.
މުބާރާތުގެ އެންމެ މޮޅު ފަސް ކުޅުންތެރިންނަށް އަބްދުލް މަޖީދު (މަޖިއްޓޭ) އާއި ހުސެއިން ހާރިސް އާއި އަހްމަދު ޝިމާޒު އާއި އަފްލަހު އަލީގެ އިތުރުން އިބްރާހިމް މުހައްމަދު އެވެ.
މުވައްޒަފުންގެ މެދުގެ އެކުވެރިކަން އާލާ ކުރުމުގެ ގޮތުން މިދިޔަ ފެބްރުއަރީ 26 އިން ރޭ ގެ ނިޔަލަށް އެ ރިސޯޓުގެ ފުޓްސަލް ދަނޑުގައި ބޭއްވި މި މުބާރާތުގައި އެފް އެންޑް ބީ އިން ހޮވާލެވުނު 4 ޓީމު ވާދަކުރި އެވެ.
