ބ. އޭދަފުށީގެ ތިން ގެއަކުން ވައްކަން ކުރި މީހަކު ހައްޔަރުކޮށް ވަގަށް ނާގާފައިވާ ބައެއް ފައިސާއާއި ތަކެތި އޭދަފުށީ ޕޮލިސް ސްޓޭޝަނުން ހޯދައިފި އެވެ.
ފުލުހުން ބުނި ގޮތުގައި އޭދަފުށީގެ ތިން ގެއަކުން ވައްކަންކުރި ކަމުގެ ތުހުމަތުގައި ހައްޔަރުކޮށްފައި ވަނީ 35 އަހަރުގެ ފިރިހެނެކެވެ.
“މި މީހާ ހައްުޔަރުކޮށް އޭނާ ދިރިއުޅެމުންދާ ގެ ބަލައިފާސްކުރިއިރު ވަގަށް ނަގާފައިވާކަމަށް ބެލެވޭ ފައިސާތަކަކާއި ރަން ފަށެއްގެ އިތުރުން ވޮލެޓްތަކެއް ފެނިފައި،” ފުލުހުން ބުންޏެވެ.
ފުލުހުން ބުނގޮތުގައި އޭނާ ހައްޔަރުކޮށްފައިވަނީ އޭދަފުށީ ޕޮލިސް ސްޓޭޝަނަށް ހުށަހެޅުނު ވައްކަމުގެ މައްސަލަތަކާއި ގުޅިގެން މިދިޔަ އާދީއްތަ ދުވަހު ކޯޓު އަމުރެއްގެ ދަށުންނެވެ.
މި މައްސަލާގައި ހައްޔަރުކޮށްފައިވާ މީހާއަކީ ވައްކަމާއި މަސްތުވާތަކެތީގެ މައްސަލަތަކުގެ ރެކޯޑްސް އޮންނަ މީހެއް ކަމަށްވެސް ފުލުހުން ބުންޏެވެ.
މި މައްސަލަ އޭދަފުށި ޕޮލިސް ސްޓޭޝަނުން ގެންދަނީ އިތުރަށް ތަހުގީގު ކުރަމުންނެވެ.
meedhen meehun kuraakahala kanthah thah!!!!!!!