ސޮނެވާފުށީގެ ހަތަރު ހައުސަކަށް ބަހާލެވިފައިވާ މުވައްޒަފުންގެ މެދުގައި އިންޓަ ހައުސް ފުޓްސަލް މުބާރާތެއް ފަށައިފި އެވެ.
ސޮނެވާފުށީގެ މުވައްޒަފުންގެ މެދުގައި ބާއްވާ މި މުބާރާތުގައި ވާދަކުރާ ހަތަރު ހައުސްގެ ތެރެއިން ކޮންމެ ހައުސަކުންވެސް ދެ ޓީމެއް ނެރޭނެ އެވެ. އެއާއެކު، މި މުބާރާތުގައި ޖުމްލަ އަށް ޓީމަކުން ބައިވެރިވާއިރު މުބާރާތް ކުރިއަށް ގެންދާނީ ދެ ގްރޫޕަކަށް ބަހާލެވިގެން ކޮންމެ ގްރޫޕެއްގައިވެސް ހަތަރު ޓީމް ހިމެނޭ ގޮތަށެވެ.
މުބާރާތުގެ ސެމީ ފައިނަލުން ޖާގަ ހޯދާނީ ލީގު އުސޫލުން ކުރިއަށް ގެންދާ މުބާރާތުގެ ދެ ގްރޫޕުންވެސް އެންމެ ގިނައިން ޕޮއިންޓް ހޯދާ ދެ ޓީމެވެ.
“ސޮނެވާފުށި ކަހަލަ ރިޒޯޓެއްގައި މިކަހަލަ ކުޅިވަރު ހަރަކާތެއް ރާވައި ހިންގެވުމަކީ މިކަހަލަ ވޯކިން އެންވަރާންމެންޓުގައި ވަރަށް ރަނގަޅު ކުރިއެރުންތަކެއް ލިބި ސްޓާފުން މޯޓިވޭޓްވެ އަހްލާގު ރަނގަޅުވެގެން ދާނެ ކަމެއް،” މި ހަރަކާތާ ގުޅޭގޮތުން ސޮނެވާފުށީގެ ފުޑް އެންޑް ބެވަރެޖުގައި މަސައްކަތްކުރާ އިބްރާހިމް ރަޝީދު ބުންޏެވެ.
މި މުބާރާތް ހުޅުވުމުގެ ގޮތުން މި މުބާރާތުގެ ހަތަރު ހައުސް ވަނީ ކުލަގަދަ ހަރަކާތަތްކެއް ބާއްވަފައިފަ އެވެ. މި ހަފްލާ ފެށުމުގެ ކުރިން މުވައްޒަފުންގެ ބައިވެރިވުމާއެކު ދުވުމެއްވެސް އޮތެވެ.
ސޮނެވާފުށީ ރިސޯޓުގެ އެފް އެންޑް ބީ ގައި މަސައްކަތްކުރާ މުވައްޒަފުންގެ މެދުގައިވެސް ވަނީ މިދިޔަ މަހު ފޯރިގަދަ ފުޓްސަލް މުބާރާތެއް ބާއްވައިފަ އެވެ.