ދިވެހި ބަހުގެ ދުވަސް ބ. އަތޮޅު ތައުލީމީ މަރުކަޒުގައި މިއަދު ވަރަށް ކުލަ ގަދަކޮށް ފާހަގަ ކުރަމުން އެބަގެންދެ އެވެ.
ތައުލީމީ މަރުކަޒުގައި ދިވެހި ބަހުގެ ދުވަސް ފާހަގަކުރުމުގެ ގޮތުން އެ ސްކޫލުގެ ދަރިވަރުންނާއި ޓީޗަރުން މިއަދު ސްކޫލަށް ހާޒިރުވީ ގައުމީ ހެދުމުގަ އެވެ.
ދިވެހި ބަހުގެ ދުވަހާ ގުޅުވައިގެން މިއަދު ވަނީ ދިވެހިން ޒަމާނުންސުރެ ކުރަމުން އަންނަ މަސައްކަތްތައް ދައްކާލުމުގެ ގޮތުން ސްކޫލުގެ ގޯތި ތެރޭގައި ހާއްސަ ސްޓޯލް ތަކެއް ބަހައްޓާފަ އެވެ. އެގޮތުން ރޯނު ވެށުން، ބޯވަޅު އެޅުން، ފަންގިވިނުން، ބިންބި ތެޅުން އަދި ވޮށި ފިލާ އަޅާ ގޮތް ދައްކާލުމަށްފަދަ ތަފާތު ސްޓޯލުތައް ވަނީ ބަހައްޓާފަ އެވެ. އަދި އޭގެ އިތުރުން ކުރީ ޒަމާނުގައި ދިވެހިން ގެންގުޅު ބައެއްތަކެތިވެސް ވަނީ ދަރިވަރުންނަށް ދައްކާލާފަ އެވެ.
ދިވެހި ބަހުގެ ދުވަހުގެ ގޮތުގައި ސަރުކާރުން ކަނޑައަޅާފައިވަނީ ކޮންމެ އަހަރެއްގެވެސް އޭޕްރީލް މަހުގެ 14 ވަނަ ދުވަހެވެ.
މިއަހަރުގެ ދިވެހިބަހުގެ ދުވަހަށް ދިވެހިބަހުގެ އެކެޑަމީން ކަނޑައެޅުއްވި ޝިޢާރަކީ “ޤައުމީ އެއްބައިވަންތަކަމަށް ޓަކައި- އެންމެންގެ ސަމާލުކަން ދިވެހިބަހަށް” މިޝިޢާރެވެ.
