އަމާނާތްތެރިކަމާ އެކު މަސައްކަތްކޮށް ގައުމަށް ހިޔާނާތްތެރި ނުވުމަށް ބ. އޭދަފުށީ ސަރުކާރު އޮފީސްތަކުގެ ވެރިންނާއި މުވައްޒަފުން މިއަދު ވައުދުވެ، ސޮއިކޮށްފި އެވެ.
ގައުމީ އެންޓި ކޮރަޕްޝަން ދުވަހާ ގުޅުވައިގެން މިއަދު އޭދަފުށީ މަލްޓިޕާޕަސް ހޯލުގައި ބޭއްވި ރަސްމިއްޔާތެއްގައި “ނަޒާހަތްތެރިކަމުގެ ވައުދު”ގައި އެންމެ ފުރަތަމަ ސޮއި ކުރެއްވީ ބ. އަތޮޅު ކައުންސިލުގެ ނައިބް ރައީސް މަބްރޫކް ނަސީރާއި ރަށު ކައުންސިލުގެ ރައީސާ ނާޒްނީނާ ޔޫސުފް އެވެެ. އެއަށް ފަހު ސަރުކާރު އޮފީސްތަކުގެ މުވައްޒަފުން ވެސް އެ ވައުދުގައި ސޮއި ކުރި އެވެ.
ނަޒާހާތްތެރިކަމުގެ ވައުދަކީ ދިވެހި ގައުމާއި ދިވެހިންނަށް ނަޒާހަތްތެރިކަމާއެކު މަސައްކަތް ކޮށްދިނުމަށް މުވައްޒަފުންވާ އެއްބަސްވުމެވެ. އަމާނާތްތެރިކަމާއެކު ދެފުށް ފެންނަ ގޮތަށް މަސައްކަތް ކުރުމަށް ވައުދުގައި ވެ އެވެ. އަދި ކޮރަޕްޝަން ހުއްޓުވައި، އެ ފަދަ ކަންކަން ރިޕޯޓުކޮށް، މަގާމުގެ ފައިދާ ނަހަމަ ގޮތުގައި ނުހިފައި އެކަން ކުރުމަށް ވެސް ވައުދުގެ ދަށުން މުވައްޒަފުން އެއްބަސްވެފައި ވެ އެވެ.
މި ވައުދުގައި ސަރުކާރު ހުރިހާ އިދާރާތަކުގެ ވެރިންނާއި މުވައްޒަފުންވެސް އަންނަނީ ސޮއިކުރަމުންނެވެ.
ގައުމުގެ ހުރިހާ ކަމެއް ހައްލުވީ …… ވައްކަމެއް ނުކުރާނެ. ހިޔާނާތެއް ނުވާނެ. ސަރުކާރުގެ ހުރިހާ މުވައްޒަފުން މިހާރު ތޯހިރުކަން މަތީ އުފަންވި ކަހަލަ