ބ. އަތޮޅު ތައުލީމީ މަރުކަޒުގެ މިއަހަރުގެ އިންޓަ ހައުސް ފުޓްބޯޅަ މުބާރާތް އިއްޔެ ހަވީރު ފަށައިފި އެވެ.
މުބާރާތުގެ ސީނިއާ ގްރޫޕުގެ މެޗުތައް އިއްޔެ ހަވީރު ފެށިއިރު މުބާރާތް ހުޅުވައިދެއްވީ ޑެޕިއުޓީ ޕްރިންސިޕަލް އަލީ އިމާދު އެވެ.
މުބާރާތުގެ ފުރަތަމަ މެޗުގައި ރެޑް ހައުސް އާއި ވައިލެޓް ހައުސް ކުޅެ ލަނޑެއް ނުޖެހި އެއްވަރުވެ ޕެނަލްޓީ ޖަހައިގެން 5-4 އިން މޮޅުވީ ވައިލެޓް ހައުސް އެވެ.
މި މުބާރާތުގައި މިއަދު ހަވީރު ކުޅޭ މެޗުގައި ބައްދަލުކުރާނީ ޔެލޯ ހައުސް އާއި ބްލޫ ހައުސް އެވެ. މި މުބާރާތުގެ ޖޫނިއާ ގްރޫޕްގެ ކުޅުން ފަށާނީ މާދަމާ ހެނދުނު އެވެ.
މި މުބާރާތުގެ ފައިނަލު މެޗު އޮންނާނީ އަންނަ ހޮނިހިރު ދުވަހު ހަވީރު އެވެ.