ރާއްޖޭގައި ބާއްވާ އެންމެ ބޮޑު ފުޓްސަލް މުބާރާތް، ކްލަބު މޯލްޑިވްސް ކަޕްގެ ޗެމްޕިއަންކަން ކްލަބު އެމްއާރުޑީސީ ބަލިކޮށް، ޔުނައިޓެޑް ބީއެމްއެލް ހޯދައިފި އެވެ.
ޔުނައިޓެޑް ބީއެމްއެލްއިން ޗެމްޕިއަންކަން ހޯދީ ޓްރެފިކް ޕޮލިސް ކުރިމަތީ އޮންނަ މާފަންނު ސްޓޭޑިއަމް ވެލި ދަނޑުގައި ރޭ ކުޅުނު ފައިނަލުގައި ކްލަބު އެމްއާރުޑީސީގެ މައްޗަށް 6-2 ލަނޑުން މޮޅުވެގެންނެވެ.
ރޭގެ މެޗުގައި ބީ.އެމް.އެލް ގެ ލަނޑު ތަށް ކާމިޔާބު ކޮށްދިނީ އަޝާން އިބްރާހިމް، އިބްރާހިމް ހަމްދާން، އަދި މުހައްމަދު ނާޝިދުއެވެ. އިޝާން އިބްރާހިމް މި މެޗުގައި 3 ގޯލަ ޖަހާ ހެޓްރިކް ހަދާފައެވެ.
އެމް.އާރް.ޑީ.ސީ ގެ ލަނޑުތަށް ކާމިޔާބު ކޮށްދިނީ އަބްދުﷲ ޝާފިޔު އަދި އަލީ ނާފިއުއެވެ. މި މެޗްގައި އެމް.އާރް.ޑީ.ސީ އަށް ވަނީ 3 ޕެނަލްޓީވެސް ލިބިފައެވެ. ނަމަވެސް ބީ.އެމް.އެލްގެ ކީޕަރ ވަނީ ހުށިޔާރު ކަމާކުއެކު ހުރިހާ ޕެނަލްޓީއެއްވެސް ދިފާޔުކޮށްފައެވެ.
މިމެޗްގެ މޭން އޮފް ދަ މެޗަކަށް ހޮވިފައިވަނީ ބީ.އެމް.އެލް ގެ ގޯލް ކިީޕަރ އެވެ.
